Kgalekgale go be go na le molemi, mpša le diphoofolo tše pedi tša polasa tšeo di bego di dula polaseng.

Molemi o be a bota mpša kudu, ka fao o ile a fa mpša ditaelo tša ka fao diphoofolo tša polasa di swanetšego go itshwara ka gona ge a se gona.

E be e le letšatši la go fiša go molemi, mpša le diphoofolo tše pedi tša polasa. Molemi o ile a bea diphoofolo tše pedi tša polasa ka karolong ye nnyane ya polasa pele a etela bomalome ba gagwe gore a ba bone matšatši a šupa.

Molemi o ile a tšea sephetho sa go tloga polaseng e sa le ka pela mesong gomme diphoofolo tša polaseng le mpša di kgomaretše mmogo ka morago ga seo.

Diphoofolo ka moka di be di lapile ka morago ga go fetša letšatši letšatšing.

Mehlare ye metelele e ile ya thoma go bonala e le bose go diphoofolo tše pedi tša polasa, eupša mpša e ile ya ba lemoša ka go bogola makga ga raro e re "Woof, Woof, Woof'' ge ba fihla kgauswi le mehlare.

Mpša e boditše diphoofolo tša polasa "molemi o rile ga se ra swanela go ja mehlare ye metelele ka gore e tla re tšhireletša".

Diphoofolo tša polasa di ile tša araba ka bogale ka gore "ga o na mohola gomme o nagana gore o ka dira eng go re thibela".

Sefahlego sa dikgomo se ile sa se be le maikutlo, gomme tšhipi ya sona ya kgaotša go phadima. Diphoofolo tša polaseng di jele mehlare ka moka gomme letšatši la fela gampe go mpša ka ge e be e nyamile ebile e nyamišitšwe ke boitshwaro bja diphoofolo tša polaseng.

E sa le ka pela mesong ka letšatši la bobedi, diphoofolo tša polaseng le mpša di be di sa le mmogo. Diphoofolo tša polaseng di be di le boemong bja lethabo go fihlela e le thapama.

Letšatši le ile la thoma go fiša. Diphoofolo tša polaseng di ile tša nyaka moriti eupša o be o se gona, ka fao di ile tša thoma go lla. Mpša e ile ya bona se, ya swara ditshego tša yona gomme ya ba hlokomologa.

Diphoofolo tša polaseng di ile tša lemoga gore mpša e nepile. Mpša e ile ya leta gomme ya leta go fihlela e hwetša kgopelo ya yona ya tshwarelo. Mpša e ile ya amogela kgopelo ya tshwarelo ka pelo e bulegilego.

Ka morago ga go bona gore ga go na motho yo a ka ba thušago, ba ile ba kgopela mpša gore e ba thuše go tšhabela phišo. Mpša ya myemyela ya re "Ke tla le thuša banna''.

Mpša e ile ya tšwa lešobeng le lennyane la polasa gomme ya latela monkgo wa molemi e šomiša nko ya yona.

Mpša e be e lapile ebile e felelwa ke moya ka baka la go sepela leeto leo le letelele. Mafelelong, e ile ya hwetša ntlo gomme ya thoma go bogola. e ile ya bogola makga ga nne ya re "woof, woof, woof, woof".

Molemi o be a tseba gore ba leloko la gagwe ga ba na mpša, ka fao o ile a makatšwa ke mokgopa ka nako yeo ya bošego, ka fao a tšwa ka ntle.

Mpša ya thoma go šikinya mosela ge e batamela molemi gomme molemi o ile a thaba ge a bona mpša le yena.

Mpša e ile ya botša molemi ka seo se diregilego polaseng gomme molemi a tšhoga gomme a šikinya hlogo. Molemi o ile a tshwenyega gomme a phutha dilo tša gagwe.

Mpša le molemi ba ile ba sepela morago polaseng ka lebelo.

Diphoofolo tša polaseng di ile tša bona mpša le molemi ba sa le kgole e sa le ka pela mesong gomme tša thoma go tlolela godimo le fase di myemyela difahlegong tša tšona.

Kgomo ya re ''Moow, moow'' gomme Pudi ya re ''Meee, mee''.

Molemi o ile a bona seemo sa karoganyo ya polasa ye nnyane gomme e senyegile ebile e le diripana.

O ile a hudušetša diphoofolo tša polaseng karolong ye nngwe. Molemi le mpša ba boditše diphoofolo tša polasa ka nako e tee "le se sa dira seo gape".

Karoganyo ye mpsha e be e tletše ka mehlare ye metelele ye metala le bjang bjo botelele bjo botala gomme diphoofolo tša polasa di be di le ka gare ga yona.

Kgomo le Pudi di ile tša lebelelana tša re ''a re phethagatše tshepišo ya rena, re ithutile thuto ya rena''.

Ge letšatši le be le le kgauswi le go fiša, diphoofolo tša polasa di be di le kgauswi le go sepela ka fase ga mohlare gomme mpša ya di lebelela ka sefahlego sa go myemyela.

Molemi o ile a tla lefelong leo metsotso ye mmalwa ka morago gomme a lebelela mehlare yeo e fago diphoofolo moriti gomme a re ''nkabe le se mo gomme diphoofolo tša ka di be di tla ba kae''.