Kusekuseni uBilly uceda ukuvuka, utjhinga ngekhwitjhini. Ufika ngekhwitjhini uthola ugogwakhe amenzele ukudla. Uthe nakaceda ukudla uBilly waphumela ngaphandle ayokuhlola inja yakhe.

UBilly ufike ngaphandle wafumana injanakhe idlaladlala kamnanjana iyodwa. Kuthi kusese njalo uBilly wabikela ugogwakhe bonyana yena sekayakhamba nenja yakhe njengemihleni bathatha ikhambo labo baya ngentabeni.

UBilly nenja yakhe bangena indlela, lathoma njalo ikhambo labo. Bakhamba nje batjhinga ngentabeni. Bathabile begodu bebayadlaladlala nendleleni.

Kuthi basakhamba kamnandi njalo inja kaBilly yathaba khulu yagijima yangena ihlathi yasukela uBilly. Yalahleka hlangana nehlathi inja le yangasatholi indlela ebuyela kuBilly. Yasala idanile kwamambala inja le izumana nendlela ebuyela kumnganayo kodwana ingayitholi. Sukela lapho yafunana nendlela yokuphuma ehlathini ibuyele ekhaya.

UBilly wabe adane kwamambala ngokulahlekelwa yinja yakhe esoloko ayizuma angayitholi. Wabamba indlela eya ekhaya ngombana besele sekusikhathi eside asentabeni nenja yakhe ayibonakali. Ugogo kaBilly naye besele athoma nokukhathazeka ngomzukulwanakhe njengombana sekusikhathi eside akhambile.

Ufike ekhaya adane kwamambala uBilly waziphosela ezandleni zikagogwakhe. Ngokumangala wabuza ugogo bonyana udaniswe yini kangaka? UBilly watshega iinyembezi nakahlathululela ugogwakhe bonyana injanakhe ilahleke ehlathini. Ugogo wamududuza ngokumtjela bonyana izinja zihlakaniphile ngalokho ke, angatshwenyeki khulu izoyithola indlela ebuya ekhaya.

Kuthi kusese duma njalo kuzwakale inja ikhonghotha endleleni. UBilly agijime ayokuhlola, lapho azakubona khona inja yakhe. Wathaba kwamanikela ukuyibona, nenja nayo yathaba ukubona umnganayo. Ugogo naye wathabela ukubona umzukulwanakhe nenja yakhe batholene begodu bathabile.

Iglozari
Entabeni- yindawo ezele ihlahi nemithi la kuhlala khona iinlwana.
Ukudana- kulapha umuntu azizwa umoyakhe uphasi.
Ukukhongotha- kulila kwenja.