Lipulazi - incenye yemhlaba lesetjentiselwa kulima nekukhulisa imfuyo.

Endvulo, epulazini lelihle lelisemaphandleni, bekuhlala inkhomo lebeyibitwa ngekutsi nguDaisy. Daisy bekanemandla futsi atsandza kuganga, futsi bekakutsandza kuhamba hamba kulelipulazi ngenca yekutsi bekafuna kwati yonke intfo.

Ngalelinye lilanga, ngesikhatsi lomlimi amatasatasa asenga letinye tinkhomo, umoya lomubi waDaisy wamtsintsa. Daisy wahamba waya esigangeni, bekanenhloso yekweganga.

Watse Daisy asahamba hamba emasimini, wabona igandaganda yemlimi ime eceleni kwakhe ingenamuntfu. Wafikelwa ngumcabango lotsite, futsi wavele wamamatseka.

ngebuso bekujabula, Daisy wasondzela ngemuva kwalegandaganda wabese uyayishova ngemandla. Legandaganda yavele yacala kwehla intsaba ihamba ngesivinini lesikhulu.

Lomlimi bekamatasatasa ngemisebenti yakhe yasendlini, akazange akunake lokubi lobekwentiwa nguDaisy kwaze kwaba ngulapho sekwephute kakhulu. Wabuka etulu ngesikhatsi lesifanele, wabona igandaganda yakhe lebekayitsandza ingasalawuleki futsi icondze esihlahleni.

GA! GA!, Igandaganda ishayisana nesihlala lesikhulu. lomlimi waphuma ngekuphtfuma ngaphambi kwekutsi eve lomsindvo. watfukutsela kakhulu uma atfola kutsi igandaganda yakhe lekayitsandza ishayisile. Daisy yena wetama kubukeka ngatsi akusuye lowente lomonakalo.

Lomlimi wanikina inhloko yakhe aphefumulela etulu ngekutfukutsela. Ngekushesha nje, wabona kutsi ngubani lobangela lomonakalo. Watsi: "Awu, Daisy, ngitakwenta njani ngawe, waze wangenta?"

lomlimi waniketa Daisy umsebenti wekutsi kufanele ashanyele lelipulazi inyanga yonkhe. Kusukela ngalelo langa, lomlimi bekamgadza Daisy njalo nakasenga tinkhomo. Wenta konkhe lokusemandleni akhe kute amvikele etinkingeni kanye nekwenta kabi. Daisy wabona kutsi tento takhe tinemiphumela futsi wafundza kuba ngumuntfu lolungile.

ekugcineni kwako konke lomlimi wachubeka watitsandza timfuyo takhe futsi atinakekela tonke ngekulingana. kute kube ngilamuhla Daisy wayekela lomkhuba lomubi,futsi bekasita ngalokunyenti epilazini futsi bekatsandzwa kakhulu.