1. Zoo - Yindawo lapha kuhlala khona iinlwane.
2. Zookeeper - Mumuntu ogada iinlwane eZoo
3. Friendship - budlelwano obuphakathi kwabangani
4. Memories - Yinto eyenzekako esele idlulile ekhumbulekako.

UZanele no Zinhle kwakubangani ababili ebebathanda ukuya endaweni ezitjha. Ngelinye lamalanga ilanga lihlabile, uZanele waba neqhinga lokusa umngani wakhe eZoo.

Ngokukhulu ukuthaba, uZanele no Zinhle nabo bapaka ukudla okumnandi ngemantjini batjhinga ngendaweni ye Kwagga Zoo. Nabafikako bahlangana nomphathi weZoo uNomzana Dube, onobuntu khulu.

UZanele no Zinhle bazizwa bamangele, bamangazwa ziinlwane ezinengi kangaka ebathoma ukuzibona. Isilwane sokuthoma ebasibona kwaba yindlulamithi. UZinhle wababaza ubude bayo nangendlela intamo yayo ikghona ukufikela ngaphezu komuthi.

Kwesibili babona iimfene. UZanele no Zinhle bahleka khulu nababona iimfene zidlala ematakeni womuthi. UZinhle besele sekazilingisa nazidlalako.

Amehlo avuleka khulu nababona isilwane sesithathu okuyiKasila(Tiger) , babona imibala yayo emihle erhanyazelako. UNomzana Dube wabahlathululela bona iKasila isiliwane esivikela umndeni waso khulu.

Ngemza kokubona iinlwane ezinengi, bandlala ingubo babeka nomantji bathoma badla. Bahlala eduze nesibaya sendlovu. Basadla njalo bacoca ngenlwane ebazibonileko ezihle.

Kusese njalo, uZanele wabona bona umntwana wendlovu uLizzy ubophekile emthini. Kubonakala kwangathi umboko wayo ubophwe yintambo.

UZanele wagijima wayokutjela uNomzana uDube ngalokhu akubonileko. UNomzana Dube wagijima naye, wafika watjhaphulula intambo leya emthini. UPeanut wajabula khulu wazithola zele atjhaphulukile akghona noku khambakhamba.

UZanele no Zinhle bajabula khulu nababona uLilly atjhaphulukile. Babona bona kuqakatheile ukugada iinlwane ngaso soke isikhathi noma kuyilanga lokuzithabisa. Ilanga lathoma latjhinga, nabo bavalelisa uNomzana Dube. Bakhamba baya emakhabo.