Ihlathululo lamagama.

Itsikiri- Sikhwelo esinamavilo amabili.

Ikoloyi kanokutjho- yikoloyi edurako ehle.

Moyizela- ukuhleka kancani kodwana ungahleki khulu.

UNomzana-muntu wendoda.

Endaweni yemakhaya lapho bekuhlala khona uZweli, njalo ngamalanga bekavuka ekuseni ajame ekhoneni lekhabo alinde ibhesi yesikolo emusa esikolweni, bekathi nakalindileko ajame nabangani bakhe bacoce kuze kufike ibhesi .

Ngelinye ilanga wavuka ekuseni alungiselela ukuya esikolweni, wakhwela ibhesi angazi ukobana ikhambo lakhe lokuya esikolweni lizokuhluka lingafani namanye amalanga. Ngibo laba bangebhesini batjhinga esikolweni.

Ibhesi ithe nayisendleleni etjhinga esikolweni yangena edakeni yabhala ukukhamba. UNomzana uMhlekwa waphumela ngaphandle wabamba ihloko. NaboZweli nabo bahlala ngaphandle.

Ngokurhabekako wabona ukobana kufuze eze nesisombululo somraro aqalene nawo. Wabona ukobana abize umtjhayeli wetekisi uSithole ukobana athathe abentwana abase esikolweni. Nangembala wafika uNomzana uSithole wabasa esikolweni.

Kuthe lokha itekisi nasele isendleleni eya esikolweni uZweli watjengisa ukuthaba khulu njengombana bekumathomo akhamba ngetekisi ukuya esikolweni. Bekaloke aqale ngaphandle amoyizela aqale ubuhle bemvelo.

Kuthe lokha nakafika esikolweni yagijimela lapho ebegade kunabangani bakhe afuna ukubatjela ngekhambo lakhe lanamhlanjesi lokufika esikolweni. "Namhlanje ngize ngetekisi ,ibhesi yethu ibhale ukukhamba ingene ngedakeni" kutjho uZweli atjela abangani bakhe.

uMandla wamungena emlonyeni. "Lokho ngokuncani khulu mina ngize nobaba ngesitimele begodu besizele khulu kodwana bekumnandi sikwazile nokufika ngesikhathi".

UThandeka omunye wabangani bakaZweli, wakhuluma ngokuzitjela." Namhlanjesi mina ngize ngekoloyi kanokutjho ebegade itjhayelwa ngumama begodu sifese sajama esitolo lapha kuthengiswa khona itiye sathenga itiye".

UScelo azange akwazi ukuzibamba lokha abangani bakhe nabacoca ngamakhamba wabo wokufika esikolweni. "Ngiyanizwa noke mina ngize ngetsikiri yami etja esikolweni".

Kuthe lokha nabahleka indlela abafike ngayo ngeenthuthi ezahlukahlukeneko. UZweli wafikela mqcabango wokobana nanyana bafike njani esikolweni okuqakathekileko yindlela ebahlezi bajabule ngayo. Kwalila isimbi baya ngetlasini.