Tlhalošo ya mareo

Letsikangope - lefelo leo le bulegilego lebotong gomme go tsentšwe galase ka gare ga foreimi

Leratadima - selete sa lefaufau le sebaka sa ka ntle seo se bonwago go tšwa lefaseng.

Maphoto - letamo le lenyenyane la seela.

Pula e tsogile e ena mesong, mosetsana yo monyenyane yo a bitšwago Mimi o ile a tsoga a tšwafa e bile a lewa ke bodutu.

O lebelela ka letsikangope gomme o bona gore leratadima le leswiswi e bile le na le ledimo. "Ijo ke tla bapala bjang mo boemong bjo bja leratadima" a realo ka pelong.

Ge a dutše a bogetše boemo bja leratadima, o phetha ka go ya leetong la gagwe la go yo raloka. Mimi o apara kobo ya gagwe ya pula le dieta tša gage tša go sepela puleng gomme o ya ka ntle go yo raloka ka gare ga pula.

O sepela ka gare ga maphoto gomme o tshela tshela godimo ga melapo ya meetse, "ta na na na na'' Mimi o a sega gomme a fetša a myemyela. O bona dinonyana di fofa ka godimo ga gagwe gomme o kwa phefo meriring ya gagwe.

Dietana tša gagwe di be di tletše meetse gomme kobo ya gagwe ya pula e kolobile.

Ge a dutše a bapala, pula ile ya thoma go sene ka maatla gomme letšatši la hlaba ka gare ga maru.

Go ile gwa tšwelela molalatladi "molalatladi, molalatladi lebelela godimo kua, go na le molalatladi" o bolela a nnoši gomme a tlola tlola. Mimi o ile a tekwa a thabile kudu ge a dutše a hlahloba lefase leo le mo dikologilego.