Toropong ya Mabitsing yeo e sa tlwaelegago, moo koloi e nngwe le e nngwe le diphoofolo di phelago gona, go be go e na le tiragalo ya ngwaga le ngwaga yeo e bego e tlatša mebila ka mebala le lethabo e lego Mogwanto wa Dinamelwa wa gošiašiana!

Mogwanto wo o be o kgahliša e bile e se taba yeo e tlwaelegilego; e be e le moketeko o phelago moo dikoloi le diphoofolo di bego di šiašiana motseng phadišanong ya bogwera.

Kanegelo ya rena e latela Bere, yo a bego a myemyela ka lethabo ge a be a itokišeletša go tšea karolo mogwantong. Bere o be a se noši ka phišego ya gagwe; bagwera ba gagwe e lego, Mmutla, Sehlora le Katse ka moka ba be ba fišegela go tsenela boithabišo.

Mogwera yo mongwe le yo mongwe o be a e na le mokgwa wa gagwe wa moswana noši wa dinamelwa: Mmutla o ile a sepela ka sethuthuthu sa gagwe sa lebelo, Sehlora o ile a phaphamala ka botho ka balune ya gagwe ya moya o fišago gomme Katse a fofela leratadimeng ka lepara la gagwe la maleatlana la lefsielo.

Ge mogwanto o thoma, Bere le bagwera ba gagwe ba ile ba thoma leeto le le kgahlišago la go phatša toropo, eupša tsela ya phadišano e be e nale ditlhohlo tša yona!

Ge ba le tseleng, ba ile ba kopana le mapheko ao a hlohleleditšwego ke mekgwa e fapa-fapanego ya dinamelwa. Ba ile ba kopana le llori ya merwalo ge ba e ya go tshela leporogo leo le theogelago le hlametšwego dikoloi, tlhohlo ye nngwe le ye nngwe e ile ya leka sebete sa bona le go šoma ka sehlopha.

Ntle le mapheko ao ba ilego ba lebeletšana le ona, bere le bagwera ba gagwe ba ile ba gana go ineela. Ba ile ba šoma gotee, ba thušana go fenya mapheko le go ithuta dithuto tše bohlokwa mabapi le bohlokwa bja go šoma ka sehlopha, go rarolla mathata le go amogela diphapano tša bona.

Mafelelong, ge mogwanto o fihla mafelelong a wona a magolo, mebileng go ile gwa thuthupa ka go phatloga ga bokgoni bja go hlama le segwera. Bere le bagwera ba gagwe ba bontšhitše ditalente tša bona tša moswananoši, ba bontšha botse bja go fapafapana le lethabo la go hlahloba lefase ka mehuta ye e fapanego ya dinamelwa.