Mmago Boati o reka dipudi ka ge Boati a rata maswi a pudi!

Mmago Boati o kgopela banna ba motse go mo thuša ka go mo direla lešaka la dipudi!

Mmago Boati o kgopela Boati go lata mahlakanoka kua leribeng la noka.

Boati o tšwa ka lebelo o leba ka nokeng go lata mahlakanoka a go dira lešaka..

Boati o fihla ka nokeng o topa mahlakanoka go mme o boela morago..

Ge boati a boela morago o bona nonyana ye botse ya go makatša e fofela godimo ga sehlare..

Boati o kgahlwa ke nonyana yeo gomme o bea mahlakanoka fase o thabela go bona bobotse ba nonyana yeo..

Boati a dula ka fase ga sehlare o thoma go bolediša nonyana yeo..

"Dumela nonyana ye botsebotse"
Ke nna Boati wena o mang?
"kuuur, kuuurrr" gwa araba nonyana.

"Agaa! Nonyana o re ke wena kuuuuurr kuuurr? Haa haa ke rata lebitšo la gago hlee. Boati o bolela ka go tlala lethabo

"kuuur !! kuurr!" ya boelletša nonyana e le gare e leka go fofela godimo ga Boati.

" ebile o dutše godimo ga diatla tšaka " gwa bolela Boati a le gare a lebeletše nonyana ka mahlong..

" kuur! kuur !" nonyana e fofela godimo ga ngata ya mahlakanoka e leka go gopotša Boati gore o romilwe..

" Mmalo, na re Boati o la o nyamelletše e sa le a eya go lata mahlakanoka ? o jele ke eng ngwana Yola waka?gwa bolela mmago Boati.

" Anke le mmoneng ke gona Boati a tŠwelela" e le gore kgale lela o be a sa dira eng kua nokeng?

Tlhalošo ya mantšu
1.Boati= mosetsana yoo a romilwego mahlakanoka
2. mmago Boati= o romile Boati mahlakanoka
3.nonyana ya botsebotse= nonyana yeo e kgahlilego Boati