Kwatsi ngalelinye lilanga Asavela nadzadze wabo bahamba bayovakashela sifundza seMpumalnga. Phela bona bebasuka esifundzeni seGauteng ePitoli.

Baphuma ngaseLoskop lapho babona khona lidamu lelikhulu iLoskop Dam.

Babelibangise eSongimvelo siciwi setilwane.

Babona tindlulamitsi nemadvuba.

Babona tindlovu,

Babona ingwemabalabala.

Bobhejane.

Latsi naliyewutilahla kunina baya kuyewulala eButsini endzaweni yaseNhlaba.

Balala etindlini letinguboguca sithandaze. Bakutsakasela kakhulu loko, ngobe abamange batibone tindlu letakheke ngalendlela.

Ekseni bavuka ngelivivi balibangise eGraskop, baphuma ngendlela yaseBarberton babona iMakhonjwa intsaba lendze.

Babona nemfula lomkhulu lobitwa ngekutsi iNkomazi.

Batsi nabafika eGraskop babona letintsaba letintsatfu letibitwa ngemaThree Rondavels.

Babona iGods window.

Babona Kanye neBlyde river canyon. Kwabajabulisa kakhulu kubona imvelo ngalendlela ngoba bajwayele kubona lokusilungu lokungasiyo imvelo.

Baya kuyewubhukusha, phela Asavela bekangakwati kahle kubhukusha, wamita ngalesikhatsi babhukusha.

Ngenhlanhla lenkhulu, dzadze wabo Thembi abekwati kubhukusha, ngako wakhona kumsita.

Ngalilanga lelilandzelako uma sebabuyela emuva, bandlula ethaneleni e-Waterval Bowen.

Eceleni kwalelithanela kunentsaba leyehla emanti lebitwa ngekutsi yi-Elands river falls.

Bakujabulela kakhulu kuvakashela lesifundza seMpumalanga, basho nekutsi kutsiwa phuma langa sikotse nje, Basho lobuhle belilanga naliphuma ekuseni, nangemphela yinhle imvelo kulesifundza.