Letšatši le hlabile polaseng. Nosi wa ikopelela gomme bangwe ba mo theeleditše.

Kodutlo o thoma go bolela. "Wena o tlatša lešata , o tsogile bjang lehono na?".

Nosi o tšwela pele go opela ka mamapo ao a lego bose ebile a go taga ka mmala wo serolwane.

Sethole le yena o thuša Nosi go opela. Sethole o opela ka mae ao a lego bose le nama ya gagwe.

Lehumo a sa re oa hlabelela le yena, Kodutlo a mo tsena ganong, "o opela le yena ka dilo tše di tšwago mmeleng wa gagwe". "O kase thome wena Lehumo, o tseba eng ka go opela wena?". "O se boeletše wena Nosi ka gore le go šaetša o a šaetša".

Nosi le Lehumo ba swaba kudu. Sethole ka bogale, "Rena a re tlo thibelwa ke wena gore re thabe Kodutlo. Ba ke bagwera ba ka ebile ga ke rate geo bolela gampe ka bona."

Kodutlo ga a itshole le gannyane. "Ke re ba homole batho ba, a ba kwe gore ga ba opele gabotse?".

Sethole o kgalemela ka bogale gape. "Go tla go thuša gore o kgopele tshwarelo wena Kodutlo go bagwera ba ka, e sego bjalo, re ka se phedišane le wena rena."

Kodutlo a tšhošwa ke mantšu a Sethole gomme ka bjako a kgopela tshwarelo go Nosi le Lehumo.