Geeci lu wancôvor.

Á zà zàmber á Tor er à de un á yáán áneer á kwaghyan á ônov mba Tor.

Tor kpa rumun.

Penda-ityo u Tor gema kôr Geeci ihyom kpishi. Rumún un u yan áneer la ga.

Á zenda un zum ú un a va ikyua á àneer la yô.

Geeci á yem ken ikyô á zà zôr atam á tur á yáán. Iyange i genegh yô á gba mnyam hen tine tur la.

Tsô á ungwa imio kaa er, "Mogh sha, ijiir ne ka ya u Tor. Ka we jim je u lú Tor ye!"

Fese je, Geeci nenge Geri gba samber kpuung. Á nenge á ayou, ilev man ior kpishi. Tartor ná hingir wuee!

Á nenge à iyol ná sha ikyônogh ki torogh ikpyan, man átor á u kase kase un tser.

Tor Geeci hingir u lun á ibyua kua ivyo man iyôngo akum akum. Nomiyôngo u pirin ishe hèmén akum a uile la cii.

Penda-ityo u Tor, kwase nà u maseityô la kôr Pir-she ihyom kpishi sha ciu ishe i bo la hanma shie í haan gbôr gbôr.

Ilev mbi à hiden kwaghyan yô, Pir-she á hèmén ve gbenda. Ve cii ve kegh ér saa Pir-she á ma mngerem man ve kpaa be ma ye.

Penda-ityo man á va zenda un. "Gbaa! Pir-she á má ga!" Ilev cii mbi venda u man mngerem mbi hide mbi yem imiura.

Penda-ityo za hemen ù yangen Pir-she mngerem ma man. "Gbaaaa! Pir-she á ma ga!"

Iilev kpa venda u man.

Geeci wa ikyo ga. Pir-she tôô gericam vaa kpa or ungwa un her ga!

Pir-she man ilev cii za hen Tor Geeci za gba ahon. Ve kaa á Tor ér aluer Tor yange Penda-ityo u nzughur á ilev ga yô kwagh a za iyol.

Tor tôndo zwa á ve ér una er kwagh sha min kpa huan viing!

Tartor u Tor Geeci cii lu Pir-she lu tsombo ú ù ye. Kpa Tor Geeci fa ga.

Pir-she za hemen gban ahon. Kpa Tor soo kwase na gande. Á ná Penda-ityo ian lu tswamen Pir-she.

Sha iyange i sha utaan-kar-uhar la Pir-she kénde zwa sha, vaa á Aôndo sha imio i mhôôn.

"Geeci! Geeci! Jilaaa wa jinaaa, mvaa vaa mer Geeci, jilaaa wa jinaaa. Mvaa juuuuu! Kpa ú soo kwase wou hemba atsanaior! Jilaa wa jinaaa."

Ér Pir-she gber kwelegh ne yô, kura hanmô or iyol zoo! Tartor u Geeci cii bee zanzan va shi kpuaa! Tor Geeci waikyo ga. Shi Pir-she vaa. Tartor mase been kua ilev man hanma kwagh.

Geeci mase teman á ájav á ikyondo hen itine tur tswen.

Zum u Geeci mase kaven er lanegh nagh vihi un hanma kwagh yô.

Á saa ken toho, kera hidye ken ya ga. Á hingir jombu.