Nako yeñwi mwa mushitu, nekubile ni liketisa za kubotela muzamaisinyana. Mi buñata bwa sicaba baketa ngwe, kasamulaho wa zeo kamukana, ngwe ato hupula kutiseza zwelopili mwa mushitu ya lipapali za siyano.

Bo Induna Ngwe bazwela kwa sicaba sabona, mi ba sitaluseza ka muhupulo ni mulelo wabona wa kutisa lipapali za siyano mwa mushitu. Lifolofolo za lumela, bo induna Ngwe ba talusa papali ni kusepisa mupuzo ku akaba ayezize hande mwa papali.

Bo induna, kakuba mueteleli wa papali yeo, batisa papali ya kunepa muwayo. Mi babuza kwa sicaba yana itakaleza kukala mwa papali. Lifolofolo zeñwi ka kusaisepa za zinya-zinya, Pombwe yena ayemisa lizoho kuitakaleza, ali "kina muñaka".

Pombwe aswala muwayo niku itumbaka, aunepa ka maata mi wayowela kwahule, sicaba sa huwa kakusaba likezo za Pombwe. Sicaba sa lumbeka Pombwe kuli za kunepa ki lico za hae. Kwa itombola lifolofolo zeñwi kukena mwa siyano yeo.

Buñata bwa lifolofolo zene zipala mwa papali yeo zapalelwa kufitisa muwayo fatuko kapa fanongile Pombwe. Pombwe aseha niku itumba ahulu. Tou yana inezi fatuko ni Pombwe ahuweleza kufiwa muwayo, kuli asupeze sicaba banepi baniti.

Tou aswala muwayo niku itumbaka ahulu, wanepa ka maata, mi apalelwa kufitisa fa tuko ni Pombwe. Mi Nali amuseha kakuli napalezwi kufitisa fa fitisize yena.

Ngili akena niyena, Sitongwani amuseha niku mutaluseza kuli aitulele feela hakoni. Ngili kakuisepa a kuza ni kunepa muwayo, mi ateula kaufela kufita ni Pombwe. Sitongwani awisa mitahali, sicaba kaufela saciya Ngili, kusiya Tou mwa maswabi.

Muna yomuñwi waboyi wa libizo la Puti, atiya pilu mi aikupela kufeleleza niyena sina lifolofolo kaufela hane libile mwa siyano yeo. Atula kumatela kuyoswala muwayo, mi lifolofolo kaufela za museha.

Puti aikotolola, niku italuseza mwa pilu "kambesi singa mulikanaka singa Ngili kona sesi fitile Pombwe, lubone sesipala kuna. Anepa muwayo mi wazamaya inge lilumo kuyofitela kaufela. Muwayo wayolula kwahule luli.

Puti asabisa sicaba kaufela, mi aba yena ndume wa siyano yeo yanateuzi lifolofolo kaufela. Asepiswa kufiwa liluwo kibo induna Ngwe kakuba yena ya teuzi sicaba kaufela.