Kalekale koo nekunani muuna muhulu Musa ni lubasi lwahae, mi nebakatazwa ki lukupwe. Atelwa kimulelo wakuya mwamushitu kwakuzuma.
Musa alaeza lubasi lwahae, mi akena mushitu ni lilumo lahae leo nasepile luli kubatela lubasi lwahae zakuca.
Hase akatezi kuzamaya nikutokwa safumana, apumula mwamuluti mi atohupula kuli nakile ateya katwa, atelwa kimulelo wakuyo talima kwateni mi kalitohonolo afumana kuli kauke kwasepisa.
Katabotuna apalelwa kuwisa pilu mi anepa lilumo lahae kuli abulayelele mi kabumai ashuta nikutaba fa muhala mi wapumeha.
Hasaboni kuli kele afosa atulela tutwa kwamuhata kuli isike yamubolomoka, bekeñisa kuli tala nese ibulaya lubasi lwahae.
Kakusaziba kuli tutwa yalaha, yamulaha habutuku mi ayowela mwamiutwa, tutwa yamubolomoka nikukena mushitu.
Muunamuhulu akuta kwahae anze aswabile ni kulobeha ahulu pilu kakuziba kuli lubasi lwahae lukabulaiwa ki tala.
Illustration - Jacob Kono
Language - SiLozi
Level - First paragraphs
Creative Commons: Attribution 4.0
Source www.africanstorybook.org
Original source
