Kale koo mwa munzi wa Naleli nekuna ni muuna yanabizwa Samuele.Muuna yoo neli mulimi yomutuna yana ikataza hahulu kwa kulima mi nanani simu yetuna hahulu mone kulimiwa lika zeñata sina miselo, miloho, mbonyi mane cwalo nizeñwi zeñata.

Muuna yo neli mulimi mwabupilo bwa hae kaufela, kacwalo aba mutu yana tiile hahulu mwa misebezi kaufela yana eza. Nako yemwi kakusasani apakelela kwa masimu ni mapulu ahae kuyo lima, kono hanasweli kulima cwalo kwataha tou yetuna

Bakeñisa sabo babeleki bahe bamata kumusiya ninja yahae. Samuele hasaboni cwalo amunyeha mulilo omutuna,abiza nja yahae kuli imatise Tou, mihape ashimba muhuma wahae omutuna kuisabisa.

Tou yabonahala kubanibuhali bobutuna,mane Samuele niyena akala kukenelwa ki sabo mi ashimba limunanu zahae kuikela kwa hae.Kuzwa zazi leo Tou yeo yakataza hahulu kukena mwamasimu abatu kuicela nikusinya kaufela zene calilwe.

Tou yeo yasitatalisa bupilo bwa batu mwa hae kakuli neisinyize mwamasimu abatu babañata. Cwale kwaba ni musha wa kuli kaufela yakabulaya Tou yeo ukafiwa mushukwe ni mpo yetuna yezwelela kumulena.Samuele azuha kamapakela ni muwayo wahae.

Hafitile kwamasimu abona Tou yeo aiposa muwayo wahae onoshengilwe kabuhali.Muwayo wa hae wataba Tou fasifuba mi Tou yawela fafasi nikushwa.Batu balumba Samuele kakuba ni bundume mi mulena a mufa mpo yamasheleni ni sifumu.