Kale ko nekunani musizana yanabizwa musibuzana ni muhulwanahae Lungowe nebapili mwahae ya sikondoli ni bashemi bababona , kabumai bomabona babatobela mibasiyala ni bondatabona , bondatabona ba nyala musali usili hasebainzi banosi.

Musali yo nanani bana bababeli niyena mi hasafitile mwalapa abonisa lilato kwabana bana fumani mi hasainzi likweli zepeli akala kunyandisa Musibuzana ni Muhulwanahae, mi Lungowe nasatabeli kubona munyanahae iñge ayeziwa bumaswe.

nasebezanga lika kaufela mi bomabona bao hasebabonicwalo baba ni muhupulo omaswe ku Lungowe, Lizazi lelimwi baluma banana kaufela kwalikota kusiya Lungowe , mi hasebayile bomahe bao bamuswala nikumusita, Habafelize bayo muyumbela kwanuka.

mi habafitile banana Musibuzana abuza muhulwanahae mi bamubulelela kuli nebayile kwanuka uzo swaliwa ki kwena , musibuzana alila muhulwanahae mi bomahe bamutose babonisa lilato ni makeke afahalimu fela hesekufitile liviki zetalu bakala.

kumunyandisa bakala kumufa sipupe sesituna sakukela mezi kwanuka nasasikoni, habafita kwanuka hakuna yanabata kumulweza nebamusehanga kuli muhulwanahae yanamulwesanga ushwile mibamusiya kwanuka

musibuzana yema nikulwese musibuzana, musibuzana musibuzana yema nikulwese musibuzana, boma bamutose baswala musali musibuzana, bacopa copa musibuzana, pula haifita musibuzana yakunguluza musibuzana bokubu ni bokwena musibuzana

bapanga musali musibuzana” mi alwesa musibuzana nikumufa litapi, hafitile kwahae hasika bulelela batu mibomahe bamunatela kulyeha , Musibuzana asiya kulila mi hayakwanuka muhulwanahae namulwesanga .

mane batu mwahae bakala kuhupula kuipata babone yamulwesanga ni kumufa litapi mi bamubona lizazi Leo Lungowe mi lizazi lelilatelela bayipata hape nikumuswala kumukutisa kwahae , ababulelela kaufela zeneziyezahalile mi baleleka musali yo