Lubinda ni Nakamwi nebali mwanzila kuya kwa musika. Lubinda aiketa kuzamaya kwatuko ni mukwakwa wa limotikala, mi atobona muuna yanamatisa motikala inge atalimezi fafoni, mi atosupeza munyanaahae kazana boni.

Mwanzila yeswana bato bona motikala yeñwi yene imatiswa kimusali. Nakamwi ayemisa muhulwanahae kumusupeza motikala yeo mi amubulelela kuli neli yende mi hape musali yana imatisa neimuswanela ni mubala wayona neli omunde.

Kwapili fa mukwakwa, muñaa motikala ye fubelu yana talimezi fafoni ato caisa musali wa motikala yamubala wobutala ili yo Nakamwi nasupeza muhulwanahae mizuzunyana yefelile.

Kasamulaho akozi yeo, basipatela ni mapokola bato fita fateni, mi motikala yefubelu bato ifumana ikanamezi kwahalimu. Kalitohonolo nekusina yana timezi haisi likolofalo feela kono limotikala kaufela za sinyeha.

Lubinda ni Nakamwi bato fita fasibaka fo nekuezahezi kozi yeo. Bato komoka ni kusaba hahulu kazene babona. Mi Lubinda ahupulisa Nakamwi kaza motikala yefubelu yene imatiswa kimuuna yana talimezi fafoni yahae anza kwaeza.