Mwahae ya bo Mungunda nekupila muuna walibizo la Manyando, mi kakusasana sazwela kwasimu yahae ni nja yahae yebizwa Rekisi. Hasafitile mwasimu abona shakame mi aiposa muhuma wana sweli mwalizoho ni kuswakeza nja yahae.

Sailelekisa cwalo ni nja yahae kono kabumai kashela mwambonyi mane kuyo kena mwamusima. Manyando habona cwalo ,kakusasinya nako akala kuyepa musima mo nekakeni kanako ye telele luli kono hakuna zana fumani, mi nasafufulezwi luli.

Kakusazwafa, azwelapili kuyepa kakuhupula kuli mwendi uta fumana shakame kuli ayo sunsa kwahae. Kasamulaho, musalaahae ato punya mi nakomokile kuli nekuezahalañi ko wasiina napatehile cwalo ni nja yahae nese ibonahala kuitoboha.

Hasa fitile bukaufi musalaahae, abuza sana yepa kakutundamena cwalo, mi Manyando nasakoni nikubulela hande bakeñisa mukatalo..hase kufitile mizuzunyana a kandekela musalaahae za Kashakame kana lelekisa ni nja yahae..

Asika feza kale kukandeka ze ezahezi, musalaahae akala kumuseha luli mane haisi inge akamba mane anyaza maswe Manyando kuli muuna yafita kuyena ukona kupalelwa cwañi kuswala Shakame inge azamaya ni nja..Azwelapili kuikashula kaliseho.

Manyando aikutwa bumaswe kwapilu mi hato yema kutalima muhuma wahae, kuto fumaneha kuli ulobehile mi a komoka hahulu. Bomusalaahae seba nyema hahulu kubona taba yecwalo mi seba munyaza hahulu kuli utezwi ki bumai...