Hase lipazuzi lizazi muunamuhulu Sishingwa abiza baikulu bahae Matengu ni Masule kuli batoca mukushuko, hase bafelize muunamuhulu aba bulelela kuli baiseseze boma bona mukushuko kwa masimu.

Bawela nzila kuliba kwa masimu banze bakandeka hamoho cwalo ni kui kashula liseho.

Hase batalimezi simu bautwa sika sesi sholokota mwamacacani haba totalima mwanzila babona pombwe ye tuna mwa nzila.

Matengu ni Masule basaba hahulu kubona nto yetuna cwalo, pombwe yaba hamuha sizuma ni kukala kuca lico zene li izi mwa sizuma. Bashimani basaba hahulu ni kukala kulila.

Bamatela kwa hae ni kuyo bulelela muunamuhulu ze ezahezi kaufela,mi muunamuhulu ataha ni muhupulo obutali kuli babeye nja mwa sizuma sesi mwi, mi baye nisona kwa simu.

Hase bafitile basibaka fone bafumani pombwe, basika wiseza kale meeto mwanzila, yatula kuzwa mwasicacani kusabisa bashimani bao.

Bashimani batambeka pombwe sizuma mone babeile nja, pombwe yona nei hupula kuli kunani lico mwa teni.

Pombwe haito kwalula sizuma, nja yatula mwahalimu ni kuluma pombwe falizoho, Matengu ni Masule bakala kuseha haba bona sene siezahala ku pombwe.