Kale kale koo, nekunani musizani walibizo la Saboi, mi napila mwamunzi obizwa Kahonikwa. Napila nibomahe, bondatahe bamutose nibanyeni bahae. Saboi uhulile cwalo asazibi koo bondatahe baba mupepa koo nebasimuluha teni.
Saboi neli mwanana yana tabela ahulu lika zamakete, mi naikonela kwamisebezi yafalapa mi bomahe nebamulata hahulu. Kwasikolo naikonela mwalituto zahae kaufela.
Kalizazi lelinwi kwaba ni kwinano yakubala yalikolo zeshutana mi Saboi aitenga mwa kwinano yeo.
Aba yena wapili mwakwinano mi afumana mupuzo wakuba mubali yomutuna yazwezi pili. Maticele bahae ni bana basikolo kaufela banyakalala ni kuitumba hahulu kakuli fa sikolo sabona kukonile kuzwa muituti ya shimbile mushukwe.
Saboi ayotaluseza bashemi bahae kwahae mi bataba hahulu kaciseho yamwana bona. Sikolo sa Saboi saba sikolo sene sikutekeha ahulu ni kutabelwa ahulu kwabatu kamukana.
Tuto ye iputezi mwalikande le kiyakuli seo usiyeza kiseo batu bakakulatela sona kapa bakakunyefulela. Bakeñi sakuli Saboi napasa hahulu kwasikolo sahae, maticele ni bashemi bahae nebamutabela hakalo.
Illustration - Rob Owen, Catherine Groenewald, Brian Wambi, Jesse Breytenbach, Offei Tettey Eugene, Likunga Inonge
Language - SiLozi
Level - First paragraphs
Creative Commons: Attribution 4.0
Source www.africanstorybook.org
Original source
