Kwasukasukela.
Cozi!
Kade bekukhona ubaba uMbuduma azihlalela nabentwana bakhe ababili abamawele uSipho noSiphosethu, unina labesana laba wahlongakala basese bancani khulu. Wabakhulisa yedwa uMbuduma abesana bakhe abafundisa yoke into.

UMbuduma bekanesimu ebeyingasikude khulu nalapha bahlala khona. Isimu le bekuyindlela abaziphilisa ngayo begodu bebathi nabavunile badle bebathengise okhunye. USipho noSiphosethu ngibo esele bavuna esimini ngoba uyise besele akhulile namado

Kwathi ngelinye ilanga babuya khona esimini bahlangana nefene ekulu ethusako.
Wooooah! Kungiyo ibhodla izibetha nesifuba ngeembakela.
"Ngifuna ningiphe enikuphethe lapho,kukudla?" Kubuza yona ifene
Amawele bewathukwe khulu ngento beyenzaka

"i..iye kukudla". baphendula ngokusaba neenyembezi zitjho zehla ngemihlathi.
Banikela ifene ebebakuphethe,yabonakala seyihlala phasi idla imirorho yabesanaba.
Balila nje basacabanga bona bazokuthini kubabakho nabafika ekhaya mkhono ze bang

Nabafika ekhaya balahla amalembe phasi bazama ukuhlathululela uyise uMbuduma bona kubayini bangakabuyi nokudla namhlanjesi.
"Baba endleleni ebuya lapha ekhaya sihlangene nefene ekulu esabisako yasithathela koke esikuvune namhlanje, sibawa u

Ngelanga elilandelako bayihlakaniphela ifene leya bathatha inja yabo usipoti bayifaka ngemantjini abafaka kiwo ukudla loya bavala kuhle ngengubo ngaphezulu.
"Wooooah! Nanamhlanje ngibawa okungokwami kuze kimi besana". Kubhodla ifene ilambe

Njengoba bebasazi bona bafake ini ngaphakatha bavele bamupha wona ngesihle.
USipho wathi: " namhlanje sikufakele khulu ubambe kuhle kungawi kuyasinda"
Imomotheke kancani ifene ithathe umantji.

Ithe isawubambe njalo, weqa uSipoti wazithela phezu kwefene yabantu.yazwakala seyirhwelela kabuhlungu isithi:,
"Sizani! Sizani! Ngiyaqolisa....yeeeey"
Wafa ziinhleko amawele ngombana iqhinga labo lokubamba ifene lisebenzile.

Iyaphela.