Ngenye imini umma kaJabu wanikeza uJabu imali yokuthenga ijeresi yesikolo yobusika. UJabu wayithatha wayokubawa umalume bona amuphekelele. Umalume wavuma ngombana naye bekafuna ukujika ngeentolo. Umalume noJabu baphuma bayangeentolo.

Bathe ukufika ngeentolo umalume wathoma ngokuthenga ebegade akufuna bese bakhamba bayokufuna isitolo sezembatho zesikolo. Bathe basazuma istolo sezembatho zesikolo uJabu wabona isitolo esithengisa amajazi amahle webusika kodwana wesikolo.

Uthe ukubona isitolo Lesa wasikhombisa umalume ukuze akwazi ukuyokulinganisa amajazi amabili awathandileko. Wabawa kumalume ukuyokumadanisa umalume wavuma. UJabu wagijima ngelikhulu ithabo wayokumadanisa amajazi lawa.

Ngemva kokumadanisa wathatha isiqumo sokobona uzokuthenga yinye kilezi azimadanisileko. Akhange atjele umalume ngesiqumo lesi asenzileko wavele wabuya sele athenge ijazi athabile. Umalume wamangala bona uJabu uthabeleni kangaka.

Umalume wabuza bona uJabu uthabeleni kangaka. UJabu washo bona yena uzithengele ijeresi Ehle khulu umutjela nje uyayikhipha uyamukhombisa. Umalume abambe ongaphasi ngombana yena wazi bona imali le uJabu ayiphiwe ngunina ngeyejeresi yesikolo

UJabu wabuza umalume bona kubayini ngathi akakamuthabeli. Umalume wakhumbuza uJabu bona imali le athenge ngayo ijeresi ngeyokuthenga ijeresi yesikolo ingasi le yena ayithengileko. Wathula uJabu ngombana akhohliwe bona ngeyani imali leya.

Walila uJabu athukiwe bona uzokuyithenga ngani ijeresi yesikolo ngombana sele asele ngemadlana encani. Umalume wathi bayokuhlola bona malini ijeresi yesikolo. Bathe banafikako bathola bona batjhoda ngemadlana encani bona bayithenge ijeresi.

Umalume wamuzwela umtjhanakhe wamupha imadlana leyo kodwana wamutjela bona angaphinde adlale ngemali yezinto ezicakathekilekobegodu angabokuthathwa zizinto zendlelni ngombana uzozifumana esekingeni ekulu ukudlula le akiyo. Yaphela