Kɛ run tëë wal, cu Guɛk kɛnɛ Nyaaw Nyami̱er rɛk kɛ kuën.

Nyal nhɔkɛ ni Guɛk duŋdɛ ɣöö gua̱n nyaal nhɔkɛ ni Nyaaw.

Mëë ci gua̱n nyaal ɛ ŋa̱c i̱ nhɔk nyaadɛ ni Guɛk, cuɛ ca̱p la̱t.

Cuɛ nyadɛ jiök i̱, "Ŋuɛ̈tni da̱ŋ rɛw ti̱ti̱ bi kɛnɛ ŋɔc kä ramɔ bi raan lenyɔ bɛ ji̱ kuɛn."

Cu Mi̱eer ɛ la̱r Guɛk kɛnɛ Nyaaw bä i̱ bi kɛn kööŋ kɛ wuɔ̱ɔ̱r. Ramɔ bi raan lenyɔ, ɛ jɛn bi nyaadɛ kuɛn ɔ.

Cu Guɛk ɛ thiec mi derɛ nhɔk i̱ bi kööŋ ni kɛn kɛ kët kɛnɛ Nyaaw, duŋdɛ ɣöö cu Mi̱eer ɛ lo̱k.

Cu Nyaaw läär ɛmɔ wä la̱r mäthnikɛ. Cu lɔcdiɛn tɛɛth ɛlɔ̱ŋ kɛ ɣöö ŋäc kɛnɛ i̱ Guɛk la yuurɛ ni rɔ.

Cu kɛn cäŋ ko̱o̱ŋä lip baaŋ ɛ /ken kɛn rɔ rialikä.

Cu Guɛk duɔl kɛnɛ mäthnikɛ.

Cuɛ kɛ jiök i̱, "Mi̱eer cɛ ɣä lo̱k. Ɛ jɛn i̱ bi nɛy ŋɔc ni jɛ kɔnɛ Nyaaw. Ramɔ bi raan lenyɔ bɛ nyaadɛ kuɛn."

Cu määthdɛ kɛl ɛ loc kɛ pɛ̈th wee i̱, "Ɛŋu /ciɛ lär Mi̱eerɔ derɛ jak ni ji̱ kä ket kɛnɛ Nyaaw. Biɛ läny kɛ ɣöö Nyaaw dualɛ kɛ pi̱."

Cu Guɛk ɛ loc i̱, "Cä la̱r jɛ i̱ dee kööŋ ni nɛy kɛ kët kä cɛ lo̱k. Cɛ ti diaal lo̱k."

Cu kɛn guic ɛla ti cɛ wi̱cdiɛn yi̱c.

Cu määthdɛ mi dɔ̱ŋ wee i̱, "Nɔmɔ ɛ mi thia̱kthia̱k. Mi wä kɔn rɔ mat kɛɛl, bi nyaamɔ kuɛn ɛ ji̱n ɛ cäŋ ni mɔ Nyaaw bum ni jɛn ɔ, di̱t ni jɛn kä puɔl ni jɛn kä ji̱ mɔ. Canɛ ca̱r kɛ ca̱a̱p tin deri jɛ leny kɛ kɛ."

Cu Guɛk mi dɔ̱ŋ wee i̱, "Nɔmɔ ɛ ca̱r mi gɔaa. Kɛ ɣöö cäät kɔn, bi ram kɛl wuɔ̱ɔ̱r tok kɛnɛ Nyaaw. /Cɛ jɛ bi ŋic.

"Bi Guëëk tin kɔ̱ŋ rɔ tɔ̱w rɛy juaacni ɛ thieek kɛ gëk duɔ̱p. Bi Cɔwnyaal wä cuɔ̱ŋ jɔkcieŋ. Bi määthdan ni Kun lät ɛla ram min bi ta̱a̱ in ko̱o̱ŋ kɛ naath guic."

Mëë ci Kun tha̱pa̱a̱r koth, cu Guɛk in nhiam wuɔ̱ɔ̱r tok kɛnɛ Nyaaw. Kɛ gua̱a̱th mi tɔt, cuɛ wak i̱, "Tɔrɔt! Tɔrɔt! Tɔrɔt!"

Cu Guɛk mi dɔ̱ŋ rɔ yuɔr nhiam Nyaawä kä cuɛ wak i̱, "Tɔrɔt! Tɔrɔt! Tɔrɔt!" Cu Guɛk mi dɔ̱ŋ rɔ nyɔk kɛ yuɔr nhiam Nyaawä, cuɛ wak i̱, "Tɔrɔt! Tɔrɔt! Tɔrɔt!"

Cu Nyaaw wi̱cdɛ nyuɔɔn kä cuɛ cuuc.

Kɛ jɔak cu Guɛk in kuen rɔ yuɔr rɛy kal gua̱nthudɛ kɛ pɛ̈th kä cuɛ wak i̱, "Tɔrɔt! Tɔrɔt! Tɔrɔt!"

Cu Kun wee i̱, "Ci Guɛk Nyaaw leny."

Cu Nyaaw ɛ gak, "Ɣän /ci ɣän ɛ ŋɔc kɔnɛ Guɛk kɛl. Ci kɛn ɣä wen. Ci kɛn ɣä wen."

Kun /kenɛ min latkɛ ɛ Nyaaw liŋ. Ɛ tookɛ niɛ cäŋ ɛmɔ, cu Kun kɛnɛ Nyaaw cieŋ ɛla ji̱ tɛ̈r.

Cu Mi̱eer kɛnɛ Guɛk ɛ mäth ti nhɔakɛ rɔ.

Cu kɛn a ji̱ cieŋ kä cukɛ cieŋ kɛ tɛ̈th lɔaac.