Mëëdan tekɛ wutni da̱ŋ rɛw ti thieek dho̱o̱rkiɛn. Wut kɛl tëëkɛ yaŋ, kä wut ɛ dɔ̱diɛn thiɛlɛ yaŋ.

Kɛ ruɔ̱n kɛl, cu ɣɔw tekɛ buɔth mi di̱i̱t, kä ŋot bɛl ɛ /kenkɛ ni ciɛk. Kɛ jɛn gua̱a̱th ɛmɔ, ci mi̱th diaal thuɔ̱k, ci duɔ̱th ni ɣɔ̱k.

Mëë ci buɔth di̱t, cu wut in tekɛ yaŋ yaaŋdɛ näk kɛ ɣöö bi ji̱ gɔaalɛ jɛ cam. Kä /kenɛ gua̱n thieekädɛ min thiɛl yaŋ moc kɛnɛ ji̱ gɔaalɛ.

Cu wut in ca dak wä guäth in ci wut ɛmɔ yaaŋdɛ jiaŋ thi̱n, "Cuɛ waw yaaŋ in ca yiäk wä jek. Kä cuɛ wä naŋ, cua wä cam kɛnɛ ji̱ gɔaalɛ. Cukɛ tëk kɛ waw ɛmɔ amäni mëë ci bɛlkiɛn ciɛk."

Mëë ci bɛl ciɛk, cu wut ëë thiɛl yaŋ kaakdɛ ciɛk kɛ bɛl ti ŋuan, kä /ken kak wutdä mëë tekɛ yaŋ ciɛk.

Mëë ca bɛl ŋɛr, cu wut ëë thiɛl yaŋ tekɛ jiöŋni da̱ŋ diɔ̱k, kä cu wut ëë tekɛ yaŋ thiɛl jio̱ŋ. Cuɛ wut in tekɛ bɛl lëp luk kä makämɛ. Cua luk gua̱thni ti ŋuan, kä nyaanɛ naath amäni mëë cikɛ ben kä kuäär ɛmɛ.

Cu wutni da̱ŋ rɛw tɔ̱tɔ̱ nyuur nhiam kua̱r. Cu kuäär kɛ thiec kɛ ɣöö bikɛ min bee kɛ kɛ wi̱c makämɛkä kuɛɛn.

Cu wut in gɔɔny raan kɛ luk ɛ tuok, "Wal ruel mëë te ɣɔw kɛ buɔth, wut ɛmɛ thilɛ duɔ̱ɔ̱r. Cikɛ dee li̱w kɛnɛ ji̱ gɔaalɛ kɛ buɔth. Mëë cä yaaŋdä näk, cuɛ wawdɛ wä naŋ. Cua wä cam kɛnɛ ji̱ gɔaalɛ. Mi thiɛl ni yaaŋdä dee kɛ li̱w kɛ buɔth kɛnɛ ji̱ gɔaalɛ."

Cu wut ɛmɔ jɛ ŋok, "Ɣän göörä ɣöö bɛ waw yaaŋdä col. Bi nɛy bɛlkɛ da̱a̱k kɔnɛ jɛ."

Cu kuäär wut in dɔ̱ŋ thiec kɛ ɣöö bɛ cuɔ̱ɔ̱ŋdɛ kuɛn. Cu wut ɛmɔ jɛ lar i̱, "Ɛ thuɔ̱k, cä waw yaaŋ wutdä nɛmɛ naŋ ɛ puc, duŋdɛ ɣöö wä kuany ni mi cɛ yiäk."

Cu kuäär ji̱ makämɛkä moc kɛ rieet kɛ ɣöö ba ram in tekɛ cuɔ̱ɔ̱ŋ lar.

Cukɛ guɛ̈l. Cu tha̱a̱ŋ nath jɛ lar ɛn ɣöö derɛ cuɔ̱ɔ̱ŋ wutdä min ca waw yaaŋdɛ cam, kɛ ɣöö mi thiɛl ni yaaŋdɛ, dëë wut ɛmɔ kɛnɛ ji̱ gɔaalɛ yɔ̱c ɛ buɔth. Cu tha̱a̱ŋ nath wee i̱, "Derɛ cuɔ̱ɔ̱ŋ wutdä min ci waw yaaŋ ran cam, kɛ ɣöö wä kuany ni mi ca yiäk. Lo̱kɛ ni ɣöö dee kɛ li̱w."

Kä cuɛ kuäär wi̱cdɛ gäy kɛ min derɛ lat. Kɛn wutni da̱ŋ rɛw diaal tekɛ kɛ cuŋ gua̱thnikiɛn.

Cu kuäär wee, "Ba kap jɔk ɛn luk ɛmɛ, ba lɛ nyɔk kɛ guec iruun."

Kä /ken kuäär ɛ ŋa̱c ɛn ɣöö te gaat kɛ cuŋä jɔɔk luɔ̱k makämɛkä liɛŋkɛ min lat kɛ.

Kɛ jɛn thiaŋ ɛmɔ, cu kuäär ko̱lɛ nöŋ raar duëël. Cuɛ ben tɔ̱ɔ̱c raar kɛ ɣöö ci duel leeth.

Te gaatkɛ ŋarä kutdɛ. Cu gat kɛl gaat tin kɔ̱ŋ jiök i̱ "Canɛ ŋar kɛ luk. Ɛ ɣän kuäär makämɛkä."

Cu kuäär ji̱thdɛ pa̱l piny.

Cu ram kɛl kä dhɔɔl wee, "Kɛ kɔn wutni tin luk mindan, ɛŋa mɔ deri lar i̱ tekɛ cuɔ̱ɔ̱ŋ?" Te kuäär li̱ŋ.

Cu dho̱l in la kuäär makämɛkä jɛ loc, gua̱thnikiɛn diaal tekɛ kɛ cuŋ duŋdɛ ɣöö /ci wut in tekɛ bɛl waw yaaŋ wutdä nɔmɔ bi col kɛ bɛl. Ɛn wut ɛmɔ bɛ lip ni ɣöö ba bɛl wutdä nɔmɔ kɔ̱m bɛ jil bɛɛl kɛ wä naŋ kɛ gua̱a̱th waaw yaaŋdɛ.

Cu kuäär dhɔɔl jiök i̱, "Kuɛ̈ɛ̈ wä tɔ̱ɔ̱c, ci̱ ɣɔw la wäär." Ci /kenɛ min ca lat ɛ kɛn li̱ŋ.

Kɛ runwaŋ cuɛ wutni da̱ŋ rɛw tëë pan cɔal wi̱i̱ makämɛ. Cukɛ lɛni kuën ɛ nyɔk.

Cu kuäär ji̱ makämɛkä nyɔk kɛ muɔ̱c kɛ rieet ɛ nyɔk kɛ ɣöö ba gua̱n cuuŋä lɛy, kä cukɛ ŋot kɛ mi guɛ̈l kɛ.

Cu kuäär rietdɛ ku lar, "Cuɛ wä kɛn wutni da̱ŋ rɛw tekɛ kɛ cuɔ̱ɔ̱ŋ gua̱ thnikiɛn diaal, duŋdɛ ɣöö /ca waw yaaŋ wutdä nɔmɔ bi col kɛ bɛl.

"Ji̱n wut in tekɛ yaŋ bi lip ni ɣöö ba bɛl wutdä nɛmɔ kɔn kɔ̱m. Bi jil bɛɛlkɛ wä naŋ kɛ gua̱a̱th waaw yaaŋdu."

Cu wutni da̱ŋ rɛw tin kɔn ŋɛ̈ɛ̈r, kä cu nɛy diaal mat kɛ min ca lar ɛ kuäär.

Cu kuäär kɛ jiök i̱, "Luɔcɛ dho̱rikun kä ɛ lo̱ckun /ci jiäk kamnikun. Ɛn luk cɛ thuɔ̱k ɛn täämɛ. Bia tekɛ mal."