Karaaja muno ikwarî na mûkûrû ûmwe wetagwa Gela Maruge. Atûûraga ntûûrene yetawa Kwa Desiso. Ntûûrene Yao nîatengi mono. Ameni nî antû bonthe. Bamwonaga bakamwaûkîra bonthe.

Mwîrîgene jûu aijîkene ja mûrogi. Etaga akamatîte mûtharaba na mîtî akiinaga njîrene. Aciaragîria njîrene wenka. Aakîte kanyomba ga ntaka nîko araraga.

Rîonthe rîrîa aumaraga atigaa aingite mwaari jwawe. Aantû ibaarî bakwambîria kûthama ntûûrene îu nîuntu bwa gîtuma kîrîa aringaga ûtukû na mûthenya. Bangi baugaa ari na UROGI bubuingî.

Atûûri baugaga atî ena nyongû îrîa ariataa ûrogi na îna inya înyingî. Ibaugaga ibaigagua akîaria na antû ûtukû. Mûkûrû ûjû atarî na inya yawe.

Gela atendete mantû ja antû mono. Aendete gûkara wenka atîna utethio bwa muntû. Ntukû îmwe ariûngîte aroona nyomba înene mono arakuruka ku na kwîthîria antû bakari nthî. Antû bonthe baraciûgûra baraambîria kuuga mbu.

Mutumîîria arauga bakire na Gela araromberwa wonokio. Kuuma ntukû îîu Araonoka aratigana na intu biawe bia urogi. Araambîria maisha jameerû na ambîria gukarania na antû bwega na ibamûejaga kîrîra gîkîega.