Au karaja ni kwari na Kuru, Nguku na Guci. Ntuku imwe Kuru ni yetire gucwa ngugi kiri Njuki. Ni yonere ngugi ya kwaja maugu. Kuru yenjire maugu jamaingi uria yombire. Ikurikia, niyaanire na Mbarathi na Nguku. Guci ikubona, niyabathingatire.

Utuku bugukinya, Guci ni yarugire irio bibithongi. Yarugire mugate na mpempe. Ni yagurite iria na kinanasi. Bonthe barire na gikeno gikingi nkorone ciao.

Bekurikia kurea, Nguku ni ya thuganirie bategere ome boone mweri. Nguku, Kuru, Mbarathi na Guci bategerere ome o ja uria Nguku ya thuganitie.

Mbarathi irauga, "twite mweri na inya mono." Kuru irauga, "tuthute migongo kwanjiria uria munene mwanka uria munini ni kenda mweri juigwa." Bonthe baretikiria mantu ja Kuru bareta mweri na kaju gakanene.

Runene, Guci iratigwa na Nguku nikenda bomba gukaria nja. Guci yera Nguku ete akaie mpempe cia kuria utuku na Nguku iretikiria.

Guci ikurikia kuaria, Nguku yetire mpaara kuia mpempe mundene jwa itha. Mwekuru araigua gintu giakinya mundene arauga "tou mwamba wa mpempe." Muthaka wawe arauma nyomba na kibanga aranjiria kurutia Nguku. Nguku nayo iramatuka iraiciitha.

Nguku igukinya nja ni yethire Kuru iramwira uria Guci imwairirie ete akaie mpempe mundene jwa itha. Kuma ntuku iu Nguku ti acore kiri Guci.

Guci ni yaigirue buthuku mono ni kwithwirwa Nguku ni yamuugire kiri Kuru. Kuma ntuku iu Guci yonaga ana ba Nguku ikabarea ni kenda irigia mathithio jau.