Kwakukhona ugogo bekahlala yedwa kwakhe, ngelinye lamalanga wathi ahleli wafikelwa mncabango azibuza bona kungaba njani nakungathiwa konomuntu onamaphiko webhebhelwani.

Kwathi asahleli njalo wathi nakacala emnyango wabona umama onamaphiko webhebhelwani angena aphaphela phezulu warareka khulu wathukwa abona ngathi umkhumbulo wakhe udlala ngaye.

Wabuza umma lo wathi "ufunani la mina bengizihlalele ngedwa ngizicabangela", waphendula umama onamaphiko webhebhelwani wathi "ngenza bona imicabango yakho ibe liqiniso".

Ugogo asikime athi ufuna ukuphumela ngaphandle ukuze akwazi ukubaleka, kodwana umma onamaphiko azange atjhide emnyango wasoloko aphephezela ngamaphiko avimbe umnyango. Wathi ku gogo " angeze ngakwenza litho ngizokuvakatjhela".

Ugogo angayiza kuhle indaba abalekele ngakwelinye ikamera.

Umma lo wamaphiko aphaphele ngekamarweni lapho ugogo abalekele khona afike athi "ngipha ithuba lokobana ngizazise bona ngingubani ibizo lami".

Nangembala ugogo ahlale phasi aphakamisele izandla emoyeni abuze umma lo athi "ngikutjhidele wangilandela yini engaka oyifunako ngombana sengitjhilwe bona bengizi cabangela kwaphela".

Umma lo wamaphiko athi uphaphela eduze nogogo asikime azame ukubaleka umma wamaphiko lo athi "mina ngingu Nonakhanya ibizo lami ungabaleki angeze ngikwenze litho".

Ugogo agcine sele angasazi bona enzeni akhulume athi "bengingazi bona imicabango inamandla kangaka ngeze ngisacabanga izinto ezinje ngibawa ungilise Nomakhanya ubuyele la ubuya khona", kwaba kunyamalala kwaka Nomakhanya waphaphela phezulu.