Yashim lu or-tato u fan ikyôr kpishi. Banen ken toho ga. Keren inyam karen kpaa ga.

A ker gbuuka, a hôn ikyar, a nyôr ken bar kpaa. A hembe swém man amôndo. Ijen shin imyura Vea kôron un yô, a hii u sôrun ikyôr hidyen ken ya.

Kasev mba teen ruam man mba Wan akor yamen inyam a Na.

"Ivihya ne ka Nena?" Kwase pine un. "Ka Naira dubu u taan," Yashim wa ishe. "Ka ikpama?" "U nenge i a akor hana? Nam dubu u har tsô." Yashim fa liam shi a tee inyam i doo.

Kwase u Yashim lu Adoo. Adoo eren tomsule dedoo. A kaha logo, iyough, ikyuleke, abun-ahi kua igbyough-ahi, alev man wua. Mbayev nav mba vesen ve wase un ken ityev.

Iyue i ruam yô, mtom man ikyav mbi ken min kua akôv a inyam ban ga.

Yashim nyôr msôrom ma man kpishi. A ma msôrom sha injô a kimbi ga. A yaren un injô yô a kaa er wen kpa ior mba un anzô a nyam.

Yashim ma msôrom nyôr ken kunya. Hanmô yange yô Adoo a za tôô un sha willbaro a hidye a na ken ya.

Yashim un a za u yamen icahur shin abakpa u mbayev nav kpaa a gba yilan ati a ior mba ve lu un a anzô yô.

Kwagh ne na ior mba genev de yamen nyam vea na. Ve kaa er ngu vihin ve iti. Adoo kpaa kasev ve gema paregh un.

Iyange i gen tsô Yashim za toho. A nenge a igbyôndo ityo hen inya. Igbyôndo ityo la uma hii u pien. A pine igbyôndo er, "We di ka nyi i ve a we heene?"

Igbyôndo ityo kaa er, "Ka zwa wam yange u wuam ye. We kpaa yange u wou u a wua u."

Yashim yem ken ya za hen u Tor. A kaa a Tor er, "Tor a tsa sha won gbem." Tor pine er, "Mbakasuwa ou kimbi u injô gaa?"

Yashim kaa a Tor er un asegh sha igbyôndo ityo ken toho man i lam. Aluer Tor za man ka Mimi ga yô, i wuam.

Tor tindi adugweri vea Yashim. Ve za nyôr pe igbyôndo ityo lu yô. Yashim man kaa er, "Igbyôndo ôr ase kwagh u nyen u ôrum la adugweri a Tor kpa a ungwa."

Igbyôndo ôr kwagh ga. I tume igbyôndo nguhwar. I menger cir vegher gen kpa i lam ga.

Adugweri mase hidyen a Yashim a ikyor ave yemen a na hen ya u Tor.

Yashim gba henen ken ishima na er, "Man ka msôrom nyen ma lu lamen a mo ken ityough yagh shinii?"

Mba za nyer hen ya u Tor yô Tor pine er, "Ne za nahan igbyôndo lam kpa?"

Yashim kaa sha zwa Na er, Zwa wam wuam. Zaki, se za kpa igbyôndo lam ga.