Bogologolo-tala go ne go le mokoko o nna le balelapa la gagwe.Go ne go le sethole ka mmala o borokwa le bosweu .Ditsuane tse pedi ka mmala o serolwana.

E ne e le mo mesong fa sethole se bitsa mokoko ka lentswe le le edileng.Se ne sa kopa mokoko go ya go adima lomao kwa go pekwa,go tla go ba rokela diaparo tsa Keresemose.Mokoko o ne wa siana ka lobelo go diragatsa jaaka o laetswe.

Ka ponyo ya leitlho mokoko wa boa o tshwere lomao.Pekwa o ne a kopa mokoko gore lomao lo boe pele letsatsi le wela.Sethole se ne sa dumalana le puo eo mme sa tshepisa go diragatsa jalo.

Sethole se ne sa roka letshegare lotlhe se sa lebelele nako.Fa se re phaa-phaa ke ura ya bolesome bosigo..Sa goeletsa ka lentswe le le kwa godimo sa re"Ijoo!! ke ntse ke sa lebelele nako pekwa o emetse lomao lwa gagwe ,mokoko lo busetse"

Mokoko o ne o makaditswe ke go goeletsa ga sethole.Go utlwa se se diragetseng wa sianela go dira jaaka o kopilwe.

Mokoko o ne wa siana wa bo wa siana o lebeletse nako.Fa o ntse o siane jalo lomao lwa wela fa fatshe. Wa Fata wa bo wa
Fata go se nko e tswang lomina.Wa tlelwa ke tlhaloganyo ya go ya gae go kopa thuso kwa gae.

Fa a fitlha gae wa goeletsa sethole le ditsuane go tla go mo thusa.Tsa dira jaaka di kopilwe.Tsa batla bosigo botlhe go se nko e tswang lomina.Ka ura ya borataro mo mesong tsuane wa bona lomao.Ka boitumelo wa lemosa botlhe.

Ka bonako mokoko o ne wa busetsa lomao lwa ga pekwa.Fa a fitlha wa fitlha wa ikopela maitshwarelo.Pekwa wa amogela kopo.Fa a boela gae ba fitlha ba itumela ba bina ba keteka letsatsi la matsalo.Ba ne ba itumela botlhe ba apart diaparo tse p