Hlompho ke mošemane. O nale mengwaga ye hlano. O dula le mmagwe kua Soshanguve. Hlompho ga a nyake go ja dienywa.

Ka Mokibelo o mongwe Hlompho o tsogile, a hlapa mmele wa gagwe, a hlapa le meno a apara sekipa se se hubedu se a se ratago kudu kudu, le borokgwana bo bontsho

Hlompho yena o be a sa nyake go ja dienywa. O be a rata go ja malekere. Leino la gagwe la thoma go opa. "Mma nkise mabekeleng gore ba kgone go nthuša, leino laka lea opa" go bolela Hlompho.

O ile a ya mabenkeleng gomme Hlompho are go morekiši "Leino la ka le opa ka kudu naa! O ka nthuša?" Aowa eya pankeng mohlomongwe ba ka go thuša, rena re rekisa dijo fela ka lebenkeleng le.

O ile aya pankeng. Gomme Hlompho are go mothuši wa ka pankeng "Leino la ka le opa kudu, naa! O ka nthuša?" Aowa eya seteisheneneng sa maphodisa, mohlomongwe bona ba ka go thuša. Rena re šoma fela ka go thuša batho go boloka tšhelete

O ile a ya seteisheneneng sa maphodisa, gomme are go lephodisa " Leino la ka le opa kudu, naa! O ka nthuša?" Monna wa lephodisa are eya ngakeng ya diphoofolo, mohlomongwe ba ka go thuša. Rena mo re thuša fela ka go swara magodu

O ile a ya ngakeng ya diphoofolo. Hlompho are go ngaka ya diphoofolo. "Leino la ka le opa ka kudu naa! O ka kgona go nthuša?" Aowa eya ngakeng ya meno, mohlomongwe gona ba ka kgona go go thuša. Rena mo re thuša diphoofolo tšeo di lwalago

O ile a ya ngakeng ya meno. Hlompho are go ngaka ya meno "Leino la ka le opa ka kudu naa! O ka kgona go nthuša?" Ee! Ke thuša ba meno a go bola le ao a lego bohloko. Ngaka ya meno ya thuša Hlompho gomme leino la gagwe la se sa ba bohloko.