Goeie vriende is baie moeilik om te vind. Dit is PRESIES hoekom Umi altyd haar bes probeer om vriendelik te wees met almal in haar klas. Sy glo dat sy altyd seker moet maak dat almal welkom en gemaklik voel random haar.

Tydens pause verdeel sy haar tyd. Sy maak seker dat sy elke dag ten minste twee minute met elkeen van haar klasmaats spandeer. Soms is dit nie moontlik nie maar sy probeer haar bes om seker te maak dat sy elkeen van haar maats sien.

Umi speel graag met enige iemand wat nie maats het nie. Sy maak seker dat almal wat alleen voel enige tyd saam met haar kan speel.Sy hou nie daarvan as kinders alleen sit en hartseer lyk nie.

Umi het hierdie mooi gesindheid by haar mamma geleer. Haar ma noem dit "Ubuntu", dit beteken dat jy ander mense moet respekteer en lief het en dat jy in vrede moet lewe met almal in jou gemeenskap en hulle behoeftes bo jou eie moet sit.

Almal in haar klas het hierdie mooi gesindheid by Umi gesien en haar maats volg graag haar voorbeeld. Sy is 'n leier, mense kan sien dat sy goed bedoel en daarom kan sy en haar maats so lekker saam speel.