Lamen lu Ngô u Orngu. Orngu lu wan u lamen tsam tsam.

"Saa me vereu ikyav iyol nyian sha ayol avavegh man u de ibyume liam ye!" Ngô na gba gbidyen un.

"Ayooo! Ayooo! Mama me kera kimbir ga!" Orngu zamber tsô kar ayem a tume toho.

Orngu zua a gbidiv sha liam.

Akegh Imônkô soo kwaghyan kpishi. Una nyôr hen ya u or yô a vande pinen er, "U waren or shi shin min je e?"

Ior gema kwagh ne hingir ishenge. Mbayev mbakirki cii fa iti ne kpa ve yilan un ken ishi ga.

Hen tar u Mbaliam yô or nana ngôôr hen pe i lu eren kwaghyan je man i gba yilan na er, Akegh Imônkô shin Ikyaakwaghyan.

U ngô kpa ve tulen mbayev vev sha ciu ve de kenger Kwaghyan er Akegh Imôkô ga.

Akegh Imônkô soo kwaghyan zanzan yô, aluer a vaa ijen man kwase kaa er, "Akegh Imôkô, tamber me yar ken tyev tsô me kur!"

Akegh Imônkô akegh zanzan saa nana kur. A tema zanzan saa a kume luam a due a min.

Aluer Akegh Imônkô Kohol or hen gbenda u yemen kasuwa kpa a kôvur ikyondo, "U nenge er ijen i kyerem je yav mbu her ikyange kpa?"

"Kasev mba yôron ken ya!" Er Akegh Imônkô a ongo nahan je ka u una gôv a yem ken ya wou. Kasuwa a bunde.

Aluer kwase jiir ruam sha atse man Akegh Imônkô pine er, "Ikyev i waren or shi shin min je?"

Aluer nan kaa er, "I jiir ruam sha atse!" Akegh Imônkô man a haa afo a tema zanzan saa a due a ruam.

Aluer Akegh Imônkô ngu karen a kar gbenda, a ande sha mbayev yan a lu iyough kpaa, a nyôr ihwa.

A ta cia er, "Mba kaven akuur a organden shin ijôndo ga! Wua u wanye kpa nor ye!"

Kasev gema wuhen mbayev ken ayough cii nan ve kwaghyan ye.

Akegh Imônkô una nyôr hen ya a lu nomso tsegher kpa a vaa ijen a ve.

Fuusu u Akegh Imônkô sha kwaghyan gema hingir zaiyol hen ityô na kpa i cia u ôron sha ato na, i unun a unun ken jime na.

Yange igen Akegh Imônkô va due hen ya u Lamen.

Tsô a pine er, "I waren or shi shin min je e?" Orngu gema tsôrough er, "Ei! Ka i wuan or i lu shin ye!"

Hôm hanmô or nan se. Kpa Lamen mough za kurugh atsaka va jiir kume sha u cirin kunya.

Lamen gba yilan Liambee sha ikyenge. Orngu gema kaa er, "Liambee ngula a gbe 'Akegh Imônkô' shin hunda u Mdega la."

Akegh Imônkô man nule gaagh. "Uwu! Ka mo m hingir kwagh u mbayev eren ishenge a min ye?"

A gba num man a yem shin ya na.

Lamen gba vaan, "Orngu man u wuam ka nyi?"

Lamen mough gba tan Orngu ave ikyôr er vea za zamber Akegh Imônkô. Kpa ve kohol ga.

"De wan la. Akegh Imônkô wa fuusu sha kwaghyan gande!" Ior lu zôhôn. Tar Mbaliam mem sha Akegh Imônkô.

Aikie gbe yô, Lamen tema imôngo a mbayev nav gba wan ve kwagh. A gule Orngu anu nya.

"Ngôm kper gen me kera kimbir ga," Orngu zamber.

"Kper gen yô de liam sha mbaganden. Umbur kwagh u Orhondon Tor Ityough la kpaa," Lamen wa ve kwagh.