Kitun kobit kemeut newo en inganasenyon.Kimiten Chepyoset,boyot ak ng'etet agenge.Kiwoo rupet kabilet age."Ara sikwamnee lakwet ak Chepyoset inguni",koteben ke boyot.

Ak kitil boyot kole kaigai arij tyong'ik ab timin asigosij lagok bendo.Kitinde komong'unet neo kole nome mategoit tyondo.kichop boyot anyun ing'otit kochopjige boryet ak tyondo.

Ak kinam mategoit paraisit newo oche.kibaibait boyot amun Kiran koger bendab arawet tugul.Kiger kole magobononi kogeny.

Kin kogagonam kobwat kole aeldoi ano benyi.Konyonji kobwotutiet kole tore rogoet kong'et ak Kotor tyondo moet.

Kin kobore tore kolabat tyondo en chebchebindo newo missing.Komwa tyondo kole,"nga kagoswon saet kiptayat as."Kityar tyondo boyot kokwer ngweny batai kole Muk!

Kiibwat boyot kole mayoni kojunda bendo,kowon paraisit ak kogij kotutyet.Ak ki ingab kibwat lagokyik chenyalildos eng kaa.

Ak maimuj konam tyondo boyot kityarta.Kowek boyot kaa korirote en kutit newo kolen,"nga kinee abusnatani nda koganai katatore moet kotar en yet.Oini matagesij amitwogik as.