Chif Baba lu or u hondun ityough her geri u Atogbon.

Lu tor liam kpaa.

A na iti iyol na er ka un, Tse-Uwe.

Ior ve zua hen ijiir na sha u hondun ityogh.

Mbagen di ve va ungwan abaver man tar hômon.

A lam sha mbapativ, mbazanadua man mbahementar caveraa.

Mbayev ikyaior mba huwan uwondo mba gban shin agbelan kpaa a wa ve zwa iyol.

Mbayev kasev mba huwan akondo a gban sha man tsulen ken iyol kpaa a kuma ve zwa iyol.

I fa Chif Baba hen tar u Mbaliam cica.

Hen ipaven ve i Deliam la je yȏ mbayev mbakirki kpa lan un ga.

Una due sha gbenda yô ior ve geren a ger u sughun un.

Tor Mela, Tor u mbaliam ume ityough kpishi.

Mbaayongov ve yilan un ken jime er Ikyȏ-ice i Mbaliam.

Er lu tor yȏ, or mȏm kpa cihi pine un kwagh u ice na sha shigh nagh ga.

Iyange i gen yô Tor yila mbakuran un er, "Za ker nen or u Hondun Ityough vam nen a min."

Tsô ve za va a Chif Baba.

Chif Baba kaa er, "Tor ngu a ikyôr ne va hen Chif Baba. Mbayev mba ainge man ve tsev un ityogh er ka nomikyegh nahan.”

A mough a dondo ve, ve gba yemen.

Ve za nyôr shin kwa u tor.

Chif Baba ngurum sugh tor er, “Tor a lu uma gbem!”

Tor kaa er, "M ungwa a ungwa agwa wou gbem, nyian yȏ me nenge a nenge tom wou."

Tor kaa a na er, "Mngu a korough shin ityo!”

Kwagh ne cier Chif iyol!

A mase fan ityôikyaa i Tor tsegha ityough yô.

Tor ta un cin, "Aluer m ungwa hen zwa u or yô, ka ku wou!"

Hange Chif Baba u lamen sha kwagh ne kpa cia ku.

A za time ihungwa, a wa zwa shin mi gba ngoron kaan er, “Tor ngu a korough shin ityo oo! Ka mo mhondon un ityough mfe ye!”
Tsô a hide a yem ken ya.

Wura ngu nee yô apev mende sha ihungwa la.

Wanye ugen za gber gba tungwan.
Apev la lu kaan ikyenge i Chif yange wa zwa shin inya la.

Kwagh ne kpiligh ior iyol shi cier ve iyol kpaa.

Ior hingir u ungwan kwagh u korough ku tor wuee.

Tsô Tor tindi mbakuran un ve za kôr Chif Baba.

"Zwa wam ne wuam ve!" Chif Baba mase vaan kpa Shie kar.