

Kgale ge dihlapi di be di hloka mebala, go be go nale yeo leina la yona e be e le Pono.E be e dula le dihlapi tše fapanego lewatleng la kgauswi le naga ya Afrika-Borwa.
Ka letšatši le lengwe ge e ntšha hlogo ka ntle ga meetsi e ile ya bona molalatladi ka mebala ye mebotse.E ile ya kgahla ke mebala yeo.
Hlapi Pono o ile a dumediša molalatladi a re "Dumela, ke nna Pono.O yo mobotse ka mebala ya gago,ke rata go ka swana le wena.Naa, o ka abelana le nna mebala yeo?
Molalatladi o ile wa re"Go lokile ke tla go abela mebala ya ka gomme o swane le nna,re tla ba bagwera.Molalatladi o ile wa futšwetša moya mmeleng wa yona gomme mebala ya phatlalala go ya mmeleng wa hlapi.
Hlapi Pono o ile a thaba kudu ge a bona mmele wa gagwe o nale mebala ye mebotse go swana le molalatladi.O ile a leboga mogwera wa gagwe kudu.
Hlapi Pono o ile a boela ka meetsing.Dihlapi ka moka di ile tša makalela Pono ka mebala ye mebotse ya go fapana.Dihlapi ka moka di be di kgobokanetše Pono le bo botse bja gagwe.O ile a ba anegela gore o hweditše kae mebala.
Dihlapi tše dingwe di ile tša mmotšiša gore mogwera wa gagwe a ka abela mebala le bona.O ile a re mogwera wa gagwe o lokile kudu.Dihlapi di ile tša ntšha dihlogo tša tšona gomme tša bona molalatladi.Di ile tša mo dumediša gape tša kgopela
Molalatladi o ile wa re hlapi ye ngwe le ye ngwe e kgethe mmala.O ile wa futšwetša mebala gomme tša hwetša mebala ka moo e kgethilego .Ke ka moo dihlapi di hweditšego mebala ka gona.Di ile tša leboga molalatladi ga kudu.

