Dikhunkwane di ile tša kopana nokeng go bolela ka go tsena sekolo.Go be go tlile segokgo,tšie, nose,tšhošwane le serurubele kopanong yeo.

Dikhunkhwane di ile tša kgetha mohlare wo motelele moo go dulago nose go ba sekolo sa tšona.Tšie o ile a re o tla ba Morutiši wa bona

Mošupologo ge o fihla, Morutišigadi Tšie o ile a letša tšhipi ya sekolo gomme dikhunkhwane tša kitimela mohlareng.

Nose ile ya fofela godimo mohlareng.Serurubele le sona se ile sa latela.

Tšie le tšhošwane ba be ba palelwa go fihla godimo ga mohlare.Segokgo se be se lebeletše ge ba palelwa gape se letetše go namela.

Segokgo se bohlale se ile sa nagana ka pele, sa dira bolepu go tloga fase go fihla godimo ga mohlare.Tšie le tšhošwane ba ile ba namela godimo ka bolepu ba segokgo.

Dikhunkwane ka moka tša leboga segokgo ge se le bohlale gape se lokile.E bile gona ge dikhunkhwane di thomile go tsena sekolo.

Morutišigadi Tšie o ile a ba ruta ka go bolokela dijo sehla se se tlago sa marega .Nose o ile a leboga segokgo ka mamepe a sona .