Kale-kale Muvhuḓa na Pheṋe zwo vhuya zwa rambiwa tshimimani tsha mbingano shangoni ḽa kulekule, he vha farisana nḓila vha tshi ya hone, lune vha tshi ṱanga ulwo lwendo vha fanela u hwala mbuvha.

Phukha dzoṱhe dzo vha dzo rambiwa munyanyani

Sa vhahura avha vhavhili vho ṱanga ulwo lwendo vhoṱhe. Izwo muvhuḓa wo zwi nyala. Wa vhamba maano a u ḽi sunda uri ḽi sa swike munyanyani.

Pfeṋe ḽo tenda musi muvhuḓa u tshi ri vha laṱe mbuvha

Vho tendelana u posa mbuvha tivhani,muvhuḓa u tshi posa pfeṋe ḽi bonye maṱo, zwa ralo na kha muvhuḓa.

Ho thoma muvhuḓa, hone a wo ngo laṱa mbuvha, wo doba tombo wa posa maḓini.

Pfeṋe u pfa tuṅwi ḽa posa yaḽo ḽa i ṱalela i tshi ṋuvhela

Vho bvela phanḓa na lwendo, vhoṱhe vha neta na nḓala,vha awela saizwi lwendo lu tshe lulapfu. Zwo mangadza pfeṋe mbuvha i tshi bva.

Pfeṋe ḽa vhudzwa uri,"A ri laṱi zwiḽiwa ngauri hetsho tshifhinga a ri na nḓala ngauri nḓala ndi mbetshelwa"

Pfeṋe ḽo sinyutshela u tenda u laṱa mbuvha.

Wo fhembeledza pfeṋe wa ri wone u na zwilonda zwa thumbuni, zwa vuwa pfeṋe ḽa pfa mukosi wa vhuṱungu ḽi gidime ḽi ke maṱari a mututulwa u shenge zwi dzike.

Muvhuḓa wo ḽa',lwendo lwa bvela phanḓa

Munyanya wo takadza vhukuma. Ha avhiwa tshiswiṱulo, vha tshi thoma u ḽa, wa ṱavha mukosi, aḽa malangane.

Pfeṋe ḽa gidimela u ṱoḓa mushonga

U vhuya ,ḽa wana muvhuḓa wo ḽa zwiḽiwa zwaḽo; hapfi,"Ḽi songo sia zwiḽiwa zwo avhiwa ḽi na nḓala"

Nga mbiti na u sa kholwa, ḽa ḓiposa fhasi ḽo honelwa na maneto, ḽo sinyuwa na nḓala. Ḽa ḓivhona sa tsilu ngangoho.

Mashudu-mavhi pfeṋe ḽo vho ḓo kolelwa na u seiwa nga dziṅwe phukha, dza vhuya dza balangana, na ṋamusi phukha dzi laya vhana na vhaḓuhulu, uri vha songo tenda u itwa matsilu nga khonani.