Mašupya e be e le mosetsana wa mengwaga ye lesome. Yena o be a dula lekheišeneng la Mahwelereng, go la Mokopane le mmagwe. Mmagwe o be a šoma go rekiša merogoro le dienywa toropong ya Mokopane.

Mašupya e be e le mosetsana wa lesego le go rata batho. Ka gabo go be go dula go tletše bagwera ba gagwe. Ba be ba raloka mmogo, kudu papadi ya kgwele ya maoto yeo Mašupya a bego a e rata kudukudu.

Nako le nako ge a be a bona sefofane se feta kua godimo, Mašupya o be a ipetha sefega gore ka le lengwe la matšatši, o tla be a se otlela.

Kua sekolong, barutiši ba be ba sa fetše go bitša leina la Mašupya ka gore e be e le mosetsana wa go theeletsa, wa boleta ebile wa go hlweka.

Mesong ya letšatši la Mokibelo, Mašupya le mmagwe ba ile ba tsoga ba ya boemadinamelwa. Leeto la bona le be le lebile motseng wa Ga-Madiba go yo hlola koko.

Mašupya le mmagwe ba ile ba kgopela go tšewa kgopu ke mosaditsoko yoo ba sa mo tsebego ka sefatanaga.

Metsotso e se mekae morago ga gore Mašupya le mmagwe ba namele sefatanaga, mootledi wa theraka a lahlegelwa ke taolo ya a thula sefatanaga sela.

Ba ditirelo tša tšhoganetšo ba ile ba iponagatša lefelong la kotsi ka ponyo ya leihlo. Ka madimabe, mootledi wa theraka le mmago Mašupya ba hlokagetše le semeetseng.

Malome le mmane wa Mašupya ba ile ba mo thekga go fihla a lokollwa bookelong bja Mokopane ba mo iša go koko wa gagwe gore a mo hlokomele. Mašupya o be a se a gobala kudu.

Mašupya o be a eya mašemong, moo mmagwe a boloketšwego gona mathapama a mangwe le a mangwe. Pelo ya gagwe e be e le bohloko.

Morago ga go lemoga gore Mašupya ga a iphsine, koko, malome le mmane ba ile ba mo direla moletlo wa matswalo.

Le ge bophelo bja Mašupya bo fetogile, o kaonafetše.