Jaŋgirde ɓinŋgel debbo Aisatu, ɓinŋgel marngel duuɓi sappo e ɗiɗi. O ɗon no janŋga lekkol haa suudu juwego.

Baaba maagel ɗon mari dabbaji ɗuɗɗi haa o wi'ii ɓingel maako janŋga haa o heɓa kuugal. Aisatu ɓinŋgel marŋgel faamu.

Hitaade maajum, o paasi haa yahugo lise. O doggi, o seyi masitin.

Nden yande feere, wuyɓe wari wujji dabbaji baaba maako go fuu, haa warti o wala njawdi, koo be nyaama ma be ɗon no heɓa bee saɗiirma.

Ɓaawo maajum, ndottijo fere ɗon no mari njawdi wi'i: "O ɓangan Aisatu." O hokki baaba Aisatu ceede ɗuɗɗi.

Aisatu boo wi'i ɓangata, o jaŋgan lekkol maako. Baaba maako wi'i mo: "O waala ceede sey o ɓaŋga o yiɗi be o yiɗa fuu."

Aisatu ɓanŋgi bee ndottijo go bee doole.

Nyande ɓanŋgal maako, o seyaay sam, ko yimɓe ɗon waama boo.

Ɓaawo maajum, o hoosi reedu. Wakkati danyugo waɗi, bee wi'i keesi maako famɗi. Ɓinŋgel maayi haa reedu Aisatu.

Haa ɓe wurtinta ɓinŋgel go, sey suudu cille boo seeki, ɓe nyootaay boɗɗum boo.

Haala man naawi masitin! Haa o jooɗi fuu cille ɗon wurta tan. O ɗonno hacca boo.

Goorko maako farti mo saare, baaba maako e daada maako fartimo. Sey o ɗonno wanca dow laawol.

Nden nyande go, o yeehi haa luumo, koo moy ɗonno fartamo, taa o ɓada kuuje cuggu maɓɓe.

Sey debbo feere marɗo moota, hoosi mo, o yaari mo haa suudu nyawndeego.

Bee nyawdi mo, be hoori mo haa saare maako, o loorti, ɓe nastinimo lekkol fahin.

On janŋgi haa o waarti dokta manŋga haa wuro man.