Taaria maraara

Haande mi seyi ngam baaba am soodi maraara. Daada defi maraara man bee follere bee nyiri butaali.

Mi ewni soobajo am Raama wari min nyaamdi maraara man.

Ƴamɗe
Ɗume baaba soodi?
Koo waɗi bee ewni Raama?

Ngesa maama am

Maaama am ɗon rema ngesa maako. Haa ngesa maako, a tawan biriji, butaali, waygoore.

Maama soori biriji haa luumo. O soodi limce, saabulu e kaye ngam taniiraawo maako yaha lekkol.

Ƴamol
Ɗume en tawata haa ngesa maama?

Taaria Lara

Mi yehi luumo bee baaba am. Min soodi laral ɗuɗɗum. Min wartiri haa saare. Sey baaba hefi lare man boɗɗum.

Nden o waɗi paɗe e booroji bee laral man. O hoosi ɗi o yaari soorugo.

Ƴamol
Bee ɗume baaba waɗiri paɗe e booroji?

Taaria Abba

Baaba Abba yiiɗa yahugo dofta ngam o woowi yarugo lekki ɓaleɓe. Amma nyande go, nyaw caarol bee korona viris mbaari soobajo maako.

Digga nden baaba Abba faami lekki ɓaleɓe yadaay bee nyawji fuu.

Ƴamol
Ɗume mbaari soobajo?

Daada Adda

Nde weeti fuu daada Adda ɗon suklana kuuɗe saare.

O layɓan, vuuwan, o waɗan kuuɗe feere feere. Ngam maajum baaba Adda yerdi mo.

Ƴamɗe
Kuuɗe toy daada Adda huwata haa saare maako?
Ɗume fahin Daada Adda fotti waɗa?

Luumo

Amadu yehi luumo, o soodi butaali. Nde o ɗon warta luumo, o dari haa saare mallum o juɗi butaali maako.

Ɓaawo o timmini ƴakkugo, o nasti haa suudu ngam ɗaanugo.

Ƴamɗe
Haatoy Amadou yehino?
Ɗume en tawata haa luumo fahin?

Maaroori

Hande, Mariyam yehi luumo soodugo maarori. O soodi maarori haa o defa ngam daada bee baaba.

Saroji wi'i: « Nyamdu ma weli.» Nden derɗiko maako pamarel wi'i: «Mi yiiɗi fahin!»

Ƴamol
Ɗume Mariyam yehi soodugo haa luumo?

Tummude maama

Maama mari wamnde, o yehi ngesa bee man. Nden o ɓofti tummuɗe jur.

Yimɓe ɗon laara mo, ɓe hayɗi. Nde o yotti saare, o hoosi buuta, o looti juuɗe maako bee saabulu.

Ɗume maama ɓofti haa ngesa?

Mbaggu

Lawan wuro feere yiiɗi waaɗugo juulde ɓaŋgal ɓinŋgel maako. Faajiri cup, yimɓe ɗon fijja mbaggu, bee ɗon waala boo.

Yimɓe kawti ɗuɗɗum. Nden rewɓe maako defi kusel mbaala bee mbay e maaroori.

Ƴamol
Bee ɗume lawan ewni yimɓe?

Ngaari

Ɓinŋgel lamɗo jaɓɓi ngeenaari maako. O soodi ngaari ngam haa o ɓaŋga. O haɓɓi ngaari man haa les ngalbiihi, haa ngesa maɓɓe.

Yimɓe ngari digga gure feere feere ngam siyaasa ɓanŋgal man.

Ɗume ɓinŋgel lamɗo jaɓɓi?

Wamnde Bappa

Bappa am ndottijo, o mari bamɗe haa saare. Too ndungu waɗi, o ɗon hoosa wamnde gootel caka maaje o rema bee man.

Ammaa soondu feere ɗon ɓilla wamnde maako man. Sey o yaari nde haa nyawndoowo, wuujani nde lekki.

Mboodi

Wakkati ɓikkoy ɗon fija haa daldal lekkol, mboodi ŋaati ɓingel gootel. O ɗon wooka, nden janŋginoowo maako yaari mo law haa suudu lekki. Nden, dofta tuufi mo baatal.

Ɓinŋgel man fuɗi ŋoŋugo. Ɓaawo o fini, o nyaami ngam o maati jam.