N'weti na tinyeleti swi vonaka nivusiku.

Swi tisa ku vonakala nivusiku. Swi kumeka exibakabakeni.

Loko u ri exibakabakeni u kota ku vona ndhawu leyikulu emisaveni.

Ku hava moya kumbe mati exibakabakeni. Vaasitironati vafanele vaambala tiovhorolo ku ri vahanya.

Tiovhorolo ti na moya ku ri vahemfemula, na mati ku ri vanwa.

Tihovhorolo leti ti sirhelela vaasitironati eka ku titimela, ku hisa na ritshuri ra le xibakabakeni.

Vaasitironati va byela Andzani na Nsovo leswaku munhu loyi a yaka en'wetini u vuriwa asitironati.

"Ku ya en'wetini?" ku hlamala Andzani na Nsovo. "En'wetini u nge fiki, i kule."

"U nga fika. Ku na swibamubamu leswi tirhisiwaka ku ya en'wetini.

Ku fana na xihahampfhuka lexi tirhisiwaka ku ya endzhandzeni wa malwandle."

Swibamubamu swi haha swi ya ematilweni.

Xi tirha ku fana ni switleketli swin'wana swo tanihi swihahampfhuka na mimovha. Na swona swi tirhisa mafurha. Swi tirhisa mafurha ku famba.

Tisathelayiti leti nga endliwa hi vanhu ta hi pfuna hi swa maxelo na ku endla mimepe.

Tisathelayiti titshamela ro jikajika eka nchumu lowukulu exibakabakani. Mafambelo lawa ya vuriwa obiti.

Andzani na Nsovo va dyondzile swo tala hi ta le xibakabakeni.

Va dyondzile na leswaku ku na tipulanete ta nhungu. Tipulanete ti hlayiwa hi ku landza nandzelelano wa tona.

Misava i pulanete ya vunharhu kusuka eka dyambu.

Hi kona laha vanhu va hanyaka kona.

Va dyondzile hi thelesikopu.

"Thelesikopu i xitirhisiwa lexi xi hi pfunaka ku vona nchumu lowu nga le kule swinene lexi nga vonakiki ha mahlo ya nyama," ku hlamusela asitironati wo sungula.

Asitironati wa vumbirhi a ku, "Loko nchumu wu ri kule swinene, swi nga endleka ku va ntlhotlho ku wu vona kahle. Kutani thelesikopu yi tshuneta nchumu lowu ekusuhi na wena."

"Ee!" ku hlamula Andzani na Nsovo hi ku tsaka.

Andzani, Nsovo na vaasitironati va mune va tekile tithelesikopu va vona swa le kule. A va tsakile swinene.