Tom sule la dyako u tyô yase Tiv. Ka se kaha sule, se lôô iyiav kpishi.

Terem kaha an sule hen akôngo. A lôô iyiav kposo kposo. Zum u ka sea yar ken tyev i ken ikyôngo ga yô, se zôr aiue shi se ker kwaghyan ken akongo.

Akôngo, Ikyôngo

Terem kaha avom a he. A lôô alogo man ikyuleke. Sule hii u wan toho.

Or Uke lôô avile wa igyar kase. Sule u avilegh la wa ndór vea sule wase.

Or la ka a gber avile la zum u asume la a nyian yô. Ka a er mkurem ma nyian.

Igyar, mkurem

Alogo ka homon kwaghyan ken tar wase. Ka se dugh un se jiir. Ka se ngbagh a ngbagh kpaa.

Gbenda u yan logo u gen yô ka i ta kpor se nungwa sha mwem ma ikyuleke shin wua.

Garri ka kwaghyan ugen u alogo a ne se yô. Akpu yô tser tar hegen.

Ka ikyuleke je ne.

Ka se sev ikyuleke ndor se jiir shin se ngbagh. Ka ia uma yô, se ov se haa ken ibya.

Ka se wua mwem ma ikyuleke se nungwa sha kpor alogo se naha ruam amin. Ka se er mumu amin kpaa.

Ikyuleke, ngbagh, mwem, mumu

Iyough ka takpa kwaghyan u Or-Tiv.

Ka se kaha ivom, se lôô ikyôr. Or u nan lu a sule u vesen yô ka na kaha avom nan lôô akôr.

Ba sule môm ka u lu avom nongo. Ibya sule ka i kuma ikyundu, shin akunduataan kpaa.

Ikyôr, Akôr, Ba, Ibya

Atsaka ka a wa atam shin nya.

Ka se ya un kôgh kpaa. Ka i jiir, i ngbagh kpaa. Shie u gen yô ka se kaa shin mkurem ma nyian gayô ma abun kpaa.

Atsaka kpaa, ka i kume ruam amin. Ka i jiir atsaka, i ta i tsen. Ka asôndo na je la.

Mondo ka a wa shin nya.

Ka a kpe ikya cii ve i kúrúgh ye. Ka i jiir i ya er ka iyough nahan.

Kpa mba jiir mondo vea iyough ki kumen ruam shie môm ga. Mondo ka a wunde ruam.

Igbo ka ve er garri sha mondo kpaa.

"Mondo môm wunde ruam."

Cinkafa ka iyiágh ki soon mngerem kpishi.

Ka i kaha cinkafa shin jánde. Ngi a vian yô, i gbidye sam. Ka i pughur cinkafa, i kume, i jiir i wa pocho shami. Ka i kume i gen kôgh sha a ciu kunden ibyer.

Cinkafa sha alev doo mbayev kpishi!

Abun ahi ka a wa asange shin nya.

Ka se wuhe se ya kôgh shin se jiir. Ka una uma yô se kaa un apusun.

Se mba eren aiue kposo kposo a abun. Ka i kaa mumu shi i kunde ibyer amin kpaa.

Ka se kume un shin lu se ya iyough shin alogo amin.

Icegher-Me ngi kposo a icegher i nyohon.

Se mba eren iue a sam icegher-me. Atam na nga a yuwa ngogh ngogh. Ka a tem sam icegher yô i wua nahan i kunde abor icegher.

Shien u gen yô ka i gba akpo. Akpongo a icegher doo sha igyô je zua ga.

Ashwe ka iue. Ashwe ngu atô kposo kposo. Ashwe u nyian man u pupul.

Ka se zôr ikya ashwe se jiir. Ashwe mke yô ka i shiligh sha nase.

Ashwe ka un a er agbende yô, i bugh i jiir ndor shin i tsen.

Ashwe u nyian yô ka se er icigh a min.

Mbampin
1. Foto ne ka u nyi kwagha?

2. I er un sha hanmô yiagh ken takerda ne?

3. Ter iyiav mbi ken takerda ne mbi u nenge a min sha ashe ou yô.

4. Ka hanmô iyiav u fe kpa u nenge a min heen ga?

5. Nger ati a he a u zough ken takerda ne yô.