I ya vhuya mulobilo! Maḓi a khou elela hoṱhe hoṱhe.

Shango ḽo takala, na vhana vho takala.

Muṅwe na muṅwe o takala ngauri marotha a maḓi a khou bva makoleni.

Makole a vhumbiwa nga maḓi a re kha tshivhumbeo tsha xasi, i vhidzwaho muḓimuwo wa maḓi.

Muḓimuwo wa maḓi u re makoleni u a engedzea u swikela hu tshi vha na muḓimuwo wo linganaho u vhumba marotha a mvula.

Vhana vha namela marotha a mvula. Vha ḓo tevhela tshitendeledzi tsha maḓi.

Hatsi na miri zwi ṱanganedza mvula nga dakalo.

Vhusuḓu vhu khou pembela. "Yo swika wee! Mvula i fhano wee!" ndi vhusuḓu vhu songo takala zwone.

Maḓi ndi vhutshilo. Musi hu na maḓi, zwithu zwoṱhe zwi tshilaho zwi a fa.

Midzi ya zwiliṅwa i ḓo nwa maḓi ya pfelela.

Miri i ḓo ṱuma lurere. Shango ḽa dalafhala.

Musi ḓuvha ḽi tshi gotsha ḓula, miri i ḓo ri thusa nga murunzi.

Zwiliṅwa zwashu zwi ḓo hula, nahone milambo yashu i ḓo elela maḓi.

Marotha a mvula a nwelela mavuni.

Vhana vha tsela fhasi na maḓi..

Sedzani zwipuka na zwikhokhonono milindini yazwo.

Maḓi a gwiwa a swika bommbini.

Ri ṱoḓa maḓi uri ri wane zwiḽiwa na u alusa zwifuwo. Ri ṱoḓa maḓi uri ri kuvhe. Ri ṱoḓa maḓi uri ri tshile.

Ri songo tambisa maḓi. A khou thoma u ṱahela.

Maḓi a mvula a ṱangana a vhumba milambwana na milambo, ine ya elela i tshi ya lwanzheni.

Vhana vha lingedza u anganyela uri hu na maḓi mangana a mvula a re lwanzheni. Inwi ni a ḓivha?

Ḓuvha ḽifhisaho ḽi ita uri maḓi a fhise nahone a shanduke u bva kha tshiluḓi u ya kha muḓimuwo.

Muḓimuwo u livha makoleni, nahone vhana vha gonya nawo.

Maḓi a re kha mutsiḓi ndi masekenesekene lune a ni koni u a vhona nga maṱo a ṋama.

Vhana vha tamba kha makole, o itwaho nga maḓi o ḓimuwaho.

Maḓi o ḓimuwaho a a ṱangana, a vhumba marotha o denyefhalaho. Maḓi a shanduka u bva kha xasi a vhuyelela kha tshiluḓi.

Tshitendeledzi tsha maḓi tshi tsini na u fhela.

Hu si kale, vhana vha ḓo kona u namela vha tsela fhasi vha tshi bva makoleni.

Makole a ḓala marotha a maḓi lune ha tsha kona na u a hwala.

Maḓi a na sa mvula.

Marotha na vhana vha swika shangoni.

Tshitendeledzi tsha maḓi tshi ḓo bvela phanḓa.

Maḓi a ḓo nwelela mavuni. A elela sa milambo na milambwana, a tshi elela a tshi ya lwanzheni.

Nahone vhana vha ḓo ṱavhanya u vhuya hayani vha ambare zwiambaro zwo omaho.

Tshitendeledzi tsha Maḓi.

Maḓi a na sa mvula a tshi bva makoleni.

Maḓi a mvula a elela a tshi ya milamboni na milambwana, a nwelela mavuni.

Milambo na milambwana ya elela i tshi ya lwanzheni.

Maḓi a ḓimuwa lwanzheni sa muḓimuwo, a vhumba makole ṱaḓulu.