Mangoza usitselo lengisitsandza kakhulu.

Bomangoza bamila emaveni lashisako ase-Afrika.

Wena uyakutsandza yini kudla bomangoza?

Bomangoza basitselo lesibalulekile etindzaweni letinyenti letishisako naletitsandvwa timvula.

Ngiyakutsandza kudla bomangoza labasha.

Ngiyakutsandza nekudla bomangoza labalondvolotiwe.

Kulondvolota titselo netibhidvo kuyindlela yekutivimba kutsi tingaboli.

Njalo ehlobo sivuna bomangoza labanyenti esihlahleni sakitsi.

Labanye bomangoza lesibavunile siyabalondvolota.

Babe ulondvolota bomangoza ngekubakhena. Make ubalondvolota ngekutsi abente jamu.

Kulondvolota sitselo kusenta sihlale sikhatsi lesidze kunekumane usibeke njengobe sinjalo.

Lenye indlela yekulondvolota bomangoza kubomisa elangeni (nobe kuhhavu longashisi kakhulu).

Lenye indlela yekulondvolota bomangoza kutsi ubafake ebhodleleni bese ufaka emanti laneluswayi neviniga.

Lamanti kufanele agcwale nswi, kute umoya ungawutsintsi mangoza.

Indlela lengiyitsandza kakhulu yekulondvolota mangoza kuwufaka emafutsa, luswayi kanye netinongo. Uke wawudla mangoza lolondvolotwe ngalendlela?

Kungenteka kutsi uwubita ngekutsi yi-'atchar', nobe yi-'achaar', nobe uwubita ngalelinye ligama?

Babe usebentisa bomangoza labaluhlata kute ente mangoza lofakwe emafutsa, luswayi netinongo.

Make wenta jamu wamangoza lonongotelako. Ubilisa mangoza lovutsiwe awufake shukela kanye nejusi yelilamula.

Siyakujabulela kudla mangoza umnyaka wonkhe.

Tindlela letintsatfu tekulondvolota titselo netibhidvo:

Kukhena
Kusebentisa luswayi neviniga nobe emafutsa kute utilondvolote

Komisa
Tomise ngelilanga utifake luswayi kute tingabi nemanti.

Kubilisa
Tibilise ngashukela nobe lilamula kute wente jamu.