Ni khou vhona mini kha itshi tshifanyiso?

Hu na tshikepe tshiṱuku tshine tsha khou tshimbila lwanzheni.

Vho namelaho vha khou ya u dia tshinwi. Vha ḓo vha vha tshi khou dia tshinwi lwanzheni.

Vha ḓo tsela fhasi fhasi maḓini.

Vha khou ḓilugisela u dia tshinwi.

Vha fanela u hwala magumbu a okosidzheni uri vha kone u fema musi vha tshi khou dia tshinwi.

Enea magumbu a okosidzheni na zwiṅwe zwishumiswa zwo khetheaho zwi ḓo vha thusa u fema musi vho dia tshinwi.

Naa no lugela u dia tshinwi navho?

Khonani dzashu vho dia tshinwi fhasi lwanzheni. Ni khou tshi vhona tshikepe nga nṱha havho?

Vho ambara magogolosi a u tala uri maḓi a si dzhene maṱoni avho. Magogolosi a ḓo vha thusa uri vha vhone zwavhuḓi musi vhe nga fhasi ha maḓi.

Evhoo! Zwi a mangadza zwine na nga zwi vhona fhasi ha maḓi!

Vhonani khovhe dza zwivhumbeo na mivhala yo fhamba-fhambanaho u mona na dzikhorala.

Vhonani uri khorala dzi na zwivhumbeo zwinzhi.

Khorala na dzone ndi muṅwe wa mifuda ya zwipuka, naho dzi tshi vhonala dzi tshi fana nga maanḓa na zwimela.

Vha dia tshinwi vha imela kule na khovhe i re na mipfa! A vha ṱoḓi u bambela tsini nayo.

I na khombo vhukuma. Mipfa ya heyi khovhe i na vhuṱungu.

Ndi mini zwiṅwe zwine na khou zwi vhona kha itshi tshifanyiso?

Lavhelesani nga vhuronwane vhukati ha hetshi tshifanyiso.

Hu na tshiṅwe tshithu tsho dzumbamaho henefho. Ndi okthophasi. I a shandula muvhala na tshivhumbeo ya fana na zwithu zwi re henefho tsini.

Sedzani kha siaṱari ḽi tevhelaho uri ni vhone okthophasi i tshi khou tala.

Hedzi khovhe ndi dzishaka. Miṅwe mifuda ya dzishaka i ḽa vhathu, fhedzi hu si hoyu mufuda!

Hoyu mufuda wa dzishaka a u na khombo. Vha dia tshinwi vha bambela tsini nadzo.

Zwino ndi tshifhinga tsha u humela tshikepeni. Magumbu a okosidzheni a khou fhela okosidzheni.

Lwa tshifhinganyana, vha dia tshinwi vho bambela na tshibode.

Nga murahu tshibode tsha mbo ḓi thoma u swiṱula nga zwipontshi zwa lwanzheni.

Vha dia tshinwi vha bvela phanḓa na u bambela vha tshi ya tshikepeni, tshe tsha vha lindela fhaḽa he vha thoma hone u dia tshinwi.

Edzani u vhona iyi khovhe ya mivhala ya mitalo-talo! Ni ṱhogomele tshipuka tsha anemone hafho hune heyo khovhe ya dzula hone.

Anemone dzi nga ri luma nga mitshila yazwo i re na vhuṱungu. Fhedzi na vhathu vha a huvhadza anemone musi vha tshi dzi fara!

Khonani dzashu vho no swika tshikepeni. Hu si kale vha ḓo vha vho bva maḓini.

Ni khou a vhona magabelo a maḓi ane a khou bva kha tshikepe nga henefho nṱha?

Ndi tshifhinga tsha uri ri bve hafha fhasi ha maḓi. Ro fhedza u dia tshinwi.

Zwo vha zwi zwavhuḓi nga maanḓa u dia tshinwi!