Eira einho yaliyo omusaadha omuyiizi katasubwa, era buli lweyagemanga olutuula neifumo okuja okuyiiga abaaghaka yabalekanga nga banaaza nsaka

Lwali lulala yeekuba ensiko okuja okuyiiga era olwatuuka eyo yatega olutuula meeni yainama okuvulumula ebisolo, bweyamala yeekweka.
Ghaabita entangama mpa gheeyaga,yawulira enswaigiro ey'amaani
n'okwana okubitirivu.

Yeekwekula gheyali yeekwese yaaja gheyatega olutuula lwe, yaja okutuukayo
nga lugemye Wampologoma mu nkoto lwenda kumutuga nga n'amaiso gamufundwike ekyamulaga kiti gaali gamuwoire

Wampologoma yeegayirira omusaadha amusaasire era yamukoba ati;"Mukagwa
nsaasira ontegulule kuba abaana bange
bato inho n'omukazi ghange mugodhe inho, era olutuula luno okungema mbaire
ndi kubanoonekeza kya kulya, woowe
woowe nze! nhamba ontegulule.
Ekisa kyagema omusaadha era yaamutegulula

Wampologoma olwava mu lutuula yakoba omusaadha ati; "Otyo nja kukulya, niighe oteganga muno entuula
n'emitego ebitwita?"
Omusaadha yeegayirira Wampologoma amusaasire aye nga busa!

Baali bakaanhinhintanira agho, dhaaleeta Wampube ono yasooka kubeezinduka aye yamala yaaguma.Yababuuza ati;"Mubaire ki imwe abamyukiire amaiso mu nsiko? Baagezaaku okumukobera nga bwebibaire aye yeefuula atategeire olw'okuba yali ayenda kutaasa musaadha.

Wampube yabakoba ati; ebintu biiribwemu nga bwebibaire mukusooka me male nsale ensonga bukalamu era baisania kwekyo.
Yakoba omusaadha ati; tega olutuula lwo
niighe Wampologoma weegezeemu lukugeme mbone!

Omusaadha yatega olutuula bweyamala
Wampologoma yeegezaamu nga bwerumugemye era lwamunhweza.
Ghano Wampube gheyakobera omusaadha ati, buti kiri yooli kola kyoyenda, aye nze ngolola niighe eka wo
ba Wampologoma abandi batandhita.
Okuva kwolwo Wampube aghangaala na
musaadha.