Idhuma ni Ikomba ba mukwano dhedheme.

Idhuma musaadha mughafu inho era obulamubwe obusinga abumala mu kupakasa mu katale.

Idhuma yafuna omukazi yebeeta Nambi.

Nambi mukazi mugayaavu era tafaayo ku ngeriki amaka gano yegaja mumaiso.

Ikomba, mukagwa gha Idhuma musaadha mukombe ku kyalo.

Nga ghabisegho entangama ntono, Nambi afuna enda era agirinda okumala emyezi omwenda.

Nambi atuusa ekiseera eky'okuzaala ayenga gaaliira gaakomba.

Idhuma aja ye mukagwawe Ikomba era amweghemba amufunire ku mpiya aghange okwidhandhaba mukaziwe Nambi.

Ikomba kino takilumamu era amugha empiya edhimala okwidhandhaba muganziwe, Nambi.

Mu ntangama ntono, amaka ga Ikomba gafuna omuteghana era nga kikakata ku boonaboona okuvaagho mu maka atenga baali bazira muyambi.

Ikomba aja ye mukagwawe, Idhuma era yaamweghemba okumubonerangaku ghakawe era n'okumutoolerayoku ebisolobye mu nsiko.

Kino Idhuma akibona nga kumutyoboola aye kino takiraga Ikomba.

Amulaga nga aikiriza.

Idhuma aleka ebisolo bino mu nsiko era byonabyona byaliibwa ebisolo.

Ikomba aja okwira nga ebisolobye byonabyona mye.

Era yaanakughala inho.

Ikomba yeidhusa ekisa kye yakolera Idhuma nga aloghooza ati mukagwawe dhedheme.

Yefuugha ekikolwa kino.