Kino kyaleetera wakalenga ni ghakikere okuyiiya engeri gyebanafunamu amaadhi. Bano bombi baasalagho okunoonia amaadhi. Bafulumya ensuwa dhaibwe, balutoolera olugendho olwokunoonia amaadhi. Olugendho lwali lughanvu inho, eyo yabayagaana akadhiba akaali nga kakasigairemuuku ensuwa edhamaadhi ibiri dhonka.

Baasena amaadhi ago era koona akadhiba kakaala nga ebidhiba ebindhi bwebyakala. Bano baali bakoye inho era nga tibaghanga nakwetwika nsuwa dha maadhi olwe ndhala nenhonta.Wakikere yakooba ghakalenga amutwike ensuwa eya maadhi agitwale eka memale yeena aire amutwike, aye wakalenga yadheema. Wakalenga yeena yagezaaku okukoba wakikere asooke amutwike atwale memale aire amutwike, aye yeena yadheema.

Baali bakaakeyana, wangoina yatuuka nga yeena yali alikunoonia maadhi, yaabagha amagezi baireyo eka banone ensuwa edhindhi mwebanakendhereza amaadhi batwalengaku matono gebaghanga okwetwika. Boona baikiriza era bairayo eka, baaja okwira nga wangoina yetwise amaadhi goona goona agiire nhago. Wakalenga ni wakikere beidhusa lwaki balobye okwisania.

Bairayo eka buusa era nga bakotoike bwa mitwe.