Ekyesunge tikirye, atyo omusoga bwe yalugera. Aye Mu kibira kya waidha mwali mu wampologoma ni ensolo edhindhi nga dhighera ku. Aye nga wampala ghomutegera, yeyata wa manhi okukira ensolo edhindhi.

Bwe butuuka, mwene kibira yaafa nga aye alese ekiramo nti batemeteme nkani mwawule yawule mu kibira mukigabanie nga omugabo eri buli nsolo ekagheera kunsi esobole okweyagalira mu ntuyo dhange olwo ni emirembe ni ekitangaala kindhakire. Atyo mwene kibire bweyakaba.

Wampologoma nga owekifuba okusinga ku baine yakoba ati "tisobola nze omukulu mu kibira kino kwagayaza naabo abatansooka kubona musana na kibira kino okutoola ku mwene kibira agalamiire mu mwanhi.

Abagwira abo mu kibira baakoba nkani baagha amagezi eri baakasangwagho abekika kyabadhuuba basobole okugabania ekyagayaga eri ensolo edhisigairegho kunsi nkani mu kibira.

Aye kino tikyabitamu kuba bwe yali asooka okuba omusana era ni eyairirira mwene kibira mu kuva mu nsi eno. Ekyo lyatukiriza ensambo nti ekyesunge tikirye; enkoko yesunga amabuli aye ti yagalya.