Naghulira obudhigi nga embwa dhirumye omusaadha eyali azira musango. Aye ekyo tikyandibaire kyeghuunio kuba embwa ditendekebwa kuluma aye ti kukuuma maka ga mwene dho. Aye eky'okuluma kaleebi nga ni isentebe mwene dho aligho, kyagha buli muntu ekivaalo eky'obusungu.

Ghaaligho omusaadha eyali omuyiizi. Omusaadha ono yali n'embwa ediweraku era nga aba nadho munsiko. Embwa edh'omuyiizi ono dhaatandiika okulumagana n'embwa dha isentebe owekyalo "Itaka lilya," era okumaliriza nga didiise dhoonadhoona.

Isentebe olw'okutya yalumuka ku kyalo yaaghaba n'ensi era yaafiira eyo yeyaja. Omuyiizi yaira mumaka ag'eyali isentebe, yaafuuka isentebe. Mukiseera ekyo, abaibi baali kamaala inho kukyalo Itakalilya era nga abantu baba kutibuukye olw'abaibi. Abantu kukyalo ekyo, Itakalilya baasagamba inho nga omuyiizi afuuse isentebe kuba baadhuuba nti, embwa dhe enkambwe, dhiidha kubinga abaibi abaali nga bamaze enkoko, embuzi, n'en.

Ekyasinga kweghuunisa bantu ku kyalo, Embwa kutandiika kwirira nkoko dhaibwe kudhivuunhia. Embwa dhebaasuutanga empisa n'obukambwe, obukambwe kairi dhaabwiza kubintu bya bantu. Era n'empisa dhaasiiwuuka. Embwa dhainama ni kubantu dhaatandiika okubaluma. Embwa dhebaaleeta okukuuma ekyalo, dhaabafuukira olumbe olwekirago, era bangi baabona enaku namugalula.

Ekyasinga kweghuunhisa bantu, nga Isentebe ni bwabaagho, embwa dhiruma abantu nga aringiriire nga tadhisamayo. Abantu baatandhiika okudhuuba bati oba olyagho Isentebe n'adhiragira, aye nga busa naire, tibafuna kya kweiramu mu kibuuzo kyaibwe. Daayemereranga kumagulu gaadho abiri, okudhaanhiriza abali ewala abaniinhie emiti, dhibalume dhibazikirize.

Lwali lulala, embwa dhaaluma kaleebi eyali ajiire okugherekeraku mukamaaghe, "Kalyesuubula" mu lutabaalo. Abaaliyo abandi dhaababingirira, era abasing bungi dhaabayuzaayuza. Omuyiizi bweyaghulira ekyo, yaaba musanhufu inho kuba baali nga bali nga bali kumukoba. Bwebaali kumagombe ga Kaleebi, abaiswike abaatoolebwaku embago daibwe edhirima, baagugumbuka okugungumula embwa ni mwene dho.

Aye abantu baakoogha n'endala ni kawumpuli kuba engamiya debaatwikanga obulezi okuva mu kibira eky'enamutumba, nga dhibulagho nalyo dhaaloba kutuuka.

Embwa kuba engamiya debaatwikanga obulezi okuva mu kibira eky'enamutumba, nga a dhatuusa ekiseera dhalekera okughulira omuyiizi nga kairi dhighulira bantu bandhi abaali nga batuutubaire n'obusungu nga n'emiziisa dhi beereeze olw'embeera, baasagamba nga embwa dhinaabiire omuyizi mumaiso. Empologoma edhoomukibira dhoona dhaamwefuurira, yaasigala agho yenka nga buli muntu amwogeireku ebifuukuule meeni yaatiitiira nga nibwawulira.