Taale taale, woodi baccel gonngel bi'eteengel Jallo.

Jallo nanantaa danyooɓe muuɗum.

Walaa mo anndaa nanaraaku Jallo. E mo riiwa mawɓe ɓen.

Nyandeere wonnde Jallo e inna muuɗum njahi gelle sakiraaɓe inna maako.

Ko ɓe ngarta ɓaawo ngilla, yimɓe gelle ɗen kokki- ɓe caahu.

Yimɓe ɓen ɗofti-ɓe nder ngesa kowaaka.

Ɓe mbi'i-ɓe, "Cuɓee pat kala ko ngiɗ-ɗon amma naa ɓikkon manngorohi ki'i."

No ɓe nastiri ngesa kan, Jallo yi'i manngorohi mawki ki ɓikkon manngoro ɓenndukon.

Jallo hayɗini kala ɓikkon manngorohon kon. Mo haɓɓi o ittay woore.

Fuu e haɗeeki, Jallo haɗira nyaamuki ɓikkon manngorohon kon to maaki, amma Jallo wi'i, "Ko heɓata yam fuu heɓa yam, amma naa mi nyaamii manngorohon ko'on."

Inna maako fuɗɗiti barri-mo kadin. Amma naa mo sali jaɓuki.

Ɓaawo Jallo heenyii nyaamuki, mo nani reedu maako e tammba.

Mo fuɗɗi bojji.

Nden hoore maako fuɗɗi ɓuutuki.

Lekki manngorohi fuɗi dow hoore maako.

Iga wakkatiire nden, fuu meemuɗo lice lekki kin, ki fuɗɗa yimuki.

"On mo nanaayi alu, nantaa Allah hoynu, Jallo laatake misaalu."

Ndenno ma non ɗum wayi, kanjum jey haala mawɓe nde ɓe mbi'i, "Mo nanataa alu nantaa Allah hoynu."